Zekariya 1:14 - Mawu a Mulluku

¹⁴ Mungelo aakilleella wi, “Llalleya wi Apwiya Amasiva Mattheene enallota wi, ‘Maganizwaaka mattheene ni murimaaka muttheene ddiri va Yerusalemu ni Ziyoni.

Zekariya 1:14 ပူးပေါင်းရင်းမြစ်များ

Yowele 2:18

Vano Apwiya yahaamba okondattho ellapwiiwa, enaweerella echifundo athwiiwa.

Zekariya 1:17

“Ollalleyettho wi Apwiya Amasiva Mattheene eni, ‘Mu mizinda ddaka muneerokhallattho eyuuma yinchichi. Kineeromukhurumusa murima Ziyoni nave kineeromutthattusattho Yerusalemu muzindaaka wavamurimani.’ ”

Zekariya 1:9

Sika kaamukoha wi, ‘Apwiya, vano ella tti tini?’ Mungelo olle allota ni miyaano aakaakhulla wi, ‘Kineerewuutthopoollella ottaphullella wiwa.’

Yesaya 40:6

Wahiiweya okhuwa wawi, “Llalleya othenga!” Kaakoha wi, “Killalleye tini?” Okhuwa wulle waari wi, “Ollalleye wi athu attheene tti wonanko manasi, oreera wiwa tti wonanko malluwa oohakani.

Yesaya 40:1

“Akhurumuseni murima, akhurumuseni murima athwaaka,” Mullukwaanyu oollota.

Zekariya 1:13

Apwiya yaamwaakhulla ni mawu ookhurumusa murima mungelo oyo allota ni miyaano.

Nahumu 1:2

Apwiya tti Mulluku eehache ni oohokollosella ddoonanara, tti oollaka ni oowalli, ennaahokollosella ddoonanara oowaavaanyiha, ennaashella murima adaniiwa.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

Yesaya 42:13

Apwiya enaya okhotoni wonanko amasiva, ennanyanyulla owalliiwa wonanko muthu akhoto Ennakhuwa, ennakhuwa mwakhoto, ennooniha masiviiwa vawaakhwaranyani adaniiwa.

Yesaya 38:22

Vano Hezekiya aakoha wi, “Ethiyo echizindikirweene ttiivi yoosimikizella wi kineeroyattho o enyumba ya Apwiya?”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Zekariya 4:1

Mungelo olle allota ni miyaano aahokollowa akivenyiha wonanko muthu anavenyihiwa akonaka.

Yesaya 37:32

O Yerusalemu oneerovenyera athu oohalla, o mwaango wa Ziyoni oneerovenyera mulloko wa athu oovulluwa, ddawoona, Apwiya Amasiva Mattheene eneereweera ddenndda moohiyavo murima.

Yesaya 40:2

“Mullote mwawiithalla ni athu a o Yerusalemu, mwaalleelle wi enthawi ya ddoohoosa ddiwa yoomalla, machimwiiwa aakhululukiwa. Kohaallaka wunchichi ekaamba ya machimwiiwa.”

Ezekiele 36:5

Mi Apwiya Mulluku kookhalla killotaka kishille murima owiipa mullatu athu a mitundu ddimodda ddittheddene monga Edomu. Alliwa moohakallalla wunchichi navettho moovevulla yahaakha ellapo ettheene eyitthattusa yayiwa, ekusa ni mapuro oochihella enameene.’