Zefaniya 3:8 - Mawu a Mulluku

⁸ Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Zefaniya 3:8 ပူးပေါင်းရင်းမြစ်များ

Yowele 3:2

Kineerotthukumaniha mitundu ddittheddene ni oddiwaana ohito wa ntapo na Yehoshafati. Wenko kineeroweeruza ekaamba ya nnddo yaweerelliiwa Aisraele, athwaaka ni yoohallanaaka vawi ahaapallallesella mu ellapo ddiwa ddittheddene nave ayikawakawa ellapwaaka.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

Masalimo 27:14

Vano atiyere Apwiya. Khalla amasiva nave ollipe murima. Ddawoona, atiyere Apwiya.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Yawuupullulla 16:14

Ddenndda sika minepa ddoonanara ddineera ddoottikhiniha. Minepa ddirarunndda ddinnakhuma ddiya wa mamwene attheene a va ellapo yavatthi, yaatthukumaniha vamodda wi ewane ekhoto ni Mulluku Amasiva Mattheene va nllapo naye nuullupalli.

Mateyu 25:32

Nave athu a mitundu ddittheddene eneerotthukumanihiwa vamiitthoni vaka. Vano kineerewaahiyaniha mmodda ni mukhwaaye wonanko mmo mbusa anahiyaniheeye enkhosa ni epuri.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

Miyambo 20:22

Ohilloteke wi, “Kineerohokollosella ddoonanara.” Atiyere Apwiya vawi eneerewuuvullusa.

Masalimo 123:2

Mmo allupa mutteko aallopwana enaweheriiwa o nnatta na apwiiwa, mmo allupa mutteko aatthiyana enaweheriiwa o nnatta na apwiiwa aatthiyana, tti mwemmo ninawehereehu wa Apwiya Mullukwaahu, ophiyera eneerelle echifundo.

Masalimo 62:5

Murimaaka onnamaalleya omutiyerella Mullukuve. Ovullusiwa waka onavenyera wa olliye.

Masalimo 62:1

Murimaaka onnamaalleya omutiyera Mullukuve, ovullusiwa waka onavenyera wa olliye.

Masalimo 37:34

Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.

Masalimo 37:7

Khurumuwa vamiitthoni va Apwiya, waatiyere moohikhupanya. Ohinamukhupanyaka muthu oyo ddaaye ddinamweetella phaama apaalle muthu oyo anapambana mu ddoonanara nnddo addikhozilleeye.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Yawuupullulla 16:1

Nave kahiiwa mawu oollotiwa mookhuwa evenyeraka mu enyumba ya Mulluku oya wa angelo atthanu ni eellaalle wi, “Khaweni mwahelle embale dditthanu ni piilli dda osha murima wa Mulluku va ellapo yavatthi!”

Masalimo 79:5

Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?

Masalimo 79:6

Morihani owallaanyu va mitundu ddimodda nnddo ddihinuudduwellani, moomwene ayo ehinatitimiha nnddina nanyu,

Yesaya 14:26

Nndda sika kikeraatthihalleemi wi ddeereye va ellapo yavatthi ettheene. Nave koottaphurusa nnatta naka wi killake mitundu ddittheddene dda athu.”

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Hagai 2:22

Kineeromalliha moomwene mattheene ni woononga masiva a mitundu dda athu ddittheddene. Kineerophikirisa magareta ni oowellavweene. Akavalo eneerokhwa nave oowellavo eneerewiiphanana.

Yesaya 34:2

Vawi Apwiya yohaashella murima athu a mitundu ddittheddene nave yooddinanariwella milloko ddittheddene ddakhoto sika yoosimikiza wi yoonongiwe ni waavelleella wi yiiphiwe.

Yesaya 63:6

Kahaavota athu a mitundu ddimodda kishille murima nave kahaanyingallella. Nikhame niwa kaaniithella vatthi.”