Zefaniya 3:5 - Mawu a Mulluku

⁵ Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Zefaniya 3:5 ပူးပေါင်းရင်းမြစ်များ

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Maliro 3:23

Orive ohinase ddenndda ddinnakhalla ddanaanweene vawi Apwiya tti oororomelleya wunchichi.

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.

Yesaya 28:19

Erive enthawi vawooneyani oneerowiiphani. Nave woononganko onaaphiyeke orive ohinase, otthaana ni mahiiyu. Sika athu yiiwesesa othengoolla eneerewoova wunchichi.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Deuteronomo 23:14

Misasa ddanyu ddikhalleke ddaweella ekaamba yawi Apwiya Mullukwaanyu eneeta variyari va misasannddo wi yuutetezeni ni wuupambanihani wa adanaanyu. Sika m'misasani mwanyu mukhalleke mwaweella wi Apwiya ehoone erive ello yoonanara ni wuunyanyallani.”

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Masalimo 37:6

Eneerewoonihella vaweella ohilakwa wawo, echilungamwaawo oneerowala wonanko otthaana.

Yobu 34:10

Vano iwani, nyu athu eezeru, Mulluku khaneera yoonanara, Amasiva Mattheene khanalakwiha.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Luka 12:2

Erive ello yawiipittheya vano eneerewuupullulliwa navettho erive yookhuweya eneerodduwanyeya.

Zefaniya 2:1

Nyu athu oohiwulliwa muru, ithananihani nave tthukumanani,

Habakuku 1:3

Kaambiiwa tini munakooniheenyu ddookatamiha ddawi ddiidda? Kaambiiwa tini munoonellelleenyu ddoonanara? Virive veko kiriimi viri woonongeya ni ekhoto, owana ni okangana wuullupalli.

Mika 7:9

Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Ezekiele 48:35

Sika waapheella muzinda muttheenooyo onaakhalle mamita 9,000 nave nnddina na muzindooyo wa enthawi yoohimalla ninaakhalle Apwiya eri vaava.”

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Yeremiya 6:15

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.”

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Yesaya 33:2

Nyu Apwiya, neerelleni echifundo vawi nohuuroromellani. Munaakiheke ni nnatta nanyu namasiva nllapo ni nllapo nave munivulluseke va enthawi ya ddoohoosa.

Yobu 8:3

Ethiyo Mulluku annahollosa echiweruzo? Ethiyo Amasiva Mattheene annarukunusa echilungamo?

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Yobu 7:18

Munnamuwehesesa orive ohinase, munnamweesa enthawi ddittheddene.

Masalimo 92:15

ennooniha wi Apwiya tti oolungama. Alliwa tti nlluku naka mwa alliwa khamuri yookhoromana.

Ezekiele 18:25

Koma nyuwaano munallota wi, Haa! Apwiya eneeriiwanndda khe ddoolungama.” Nyu Aisraele, ngiiwani vano. Ethiyo ddaweera ddaka sika ddihiri ddoolungama? Ohikhalla ddaweera ddanyu sika ddihiri ddoolungama?

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Hoseya 6:5

Sika ekaambiiwa kuuphanddemini oweella mwa anamallotella, kiwiiphalleemini ni mawaaka. Okamulla waka tti wawooneya wonanko owala wa nndduwa.