Zefaniya 3:3 - Mawu a Mulluku

³ Enduna ddaye ddaanathuruma muwari mwiwa wonanko mikango, aweeruzaaye yaari wonanko akhatwe aweeteeta misikuwa, oohihiya nikhuva wi niphiyere ohinase.

Zefaniya 3:3 ပူးပေါင်းရင်းမြစ်များ

Habakuku 1:8

Akavalwiiwa tti oothamaka okhwaranya ananthavi, awoopiha okhwaranya mimbulu mu echipululu. Oowella va akavalo ennathamaka ovenyera wuuteete, ennaakuva ni okhwatthulla wonanko mpungu onaphara enama.

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Ezekiele 22:6

“Ngoona mmo enduna ddawo ddinawiiphelliiwa athu voopharihani mutteko masiviiwa.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Miyambo 28:15

Wonanko mukango woothuruma ni echimbalangondo enapaalla ophara enama emoddamoddave yeeyo mwene oonanara annaalamulella oohoowa.

Yesaya 5:29

Okhuwa wiwa tti wonanko othuruma wa mikango apaalle misote nnddo ddininlla mwawoopiha voopharani enama nave ddinarowana oohikhallavo naari mmodda awaakihera.

Yeremiya 34:19

Ayo yavira variyari va ezigawo piillinnddo yaari attekweene a o Yuda ni a o Yerusalemu, oohoollella, allupa mukutho navettho athu a mwiillaponimmo.

Ezekiele 33:26

Munnaroromella masupadaanyu. Munneera ddoonanara nave arive muthu annararuwa ni mwaara a mukhwaaye. Ethiyo vano ellapweeyo ttuukhalla yaanyu?’

Yeremiya 23:11

“Ddawoona, anamallotella ni allupa mukutho, attheenaayo aaripihiwa. Kohaaphwanya yeeraka ddoonanara naari mu enyumbaaka. Mi Apwiya koollota.”