Zefaniya 3:20 - Mawu a Mulluku

²⁰ Enthawi yeeyo kineerewuutthukumanihani nave kineerewuuhokollosellani owaninyu. Kineerewuutthattusani athu oovuwa ni ooriiheya variyari va mitundu ddittheddene dda athu a va ellapo yavatthi, kineerewuuhokollosellani ddaphaama mwiikimoona. Mi Apwiya koollota.”

Zefaniya 3:20 ပူးပေါင်းရင်းမြစ်များ

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Malaki 3:12

Sika athu a mitundu ddittheddene eneerewuuromollani wi oodala vawi ellapwaanyu enaakhalle nipuro naphaama nookhallamo. Kinallota tti mi Apwiya Amasiva Mattheene.”

Yesaya 56:5

kineerewaavaha mu enyumbaaka ni muwari mwa esiri ddaka yawuupuwelliha ni nnddina nookhwaranya anamwani aallopwana ni aatthiyana. Kineerewaavaha nnddina noohimalla nno khaniwa nivenyihiwavo.”

Zefaniya 3:19

Enthawi yeeyo kineerewaallaka awuunyingallella attheene. Kineerewaavullusa oottutthunya ni waatthukumaniha oopallalleya attheene. Kineerotthattusa owullihiwa muru wiwa okhalla oriihiwa nave ellapo ettheene yavatthi eneerewaavaha olemu.

Amosi 9:14

“Kineerewaahokollosellattho athwaaka, Aisraele, o ellapwiiwa, eneeromakattho mizinda m'matepeni wi ekhallekemo, eneerollima emata ddampesa nave eneeromuwirya vinywiiwa, eneerollima emata nave eneerocha ezipaso ddiwa.

Yowele 3:1

Apwiya enallota wi, “Enthawi yeeyo kineerewaahokollosella ddaphaama athu a o Yuda ni a o Yerusalemu.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Yesaya 60:15

Naari athu yuuhiyalle ni owiita weyaano, oohivirattho mwa weyaano, kineerowunnuwiha wa enthawi yoohimalla, onaakhalle nipuro na ehakallallo wa mibado ddittheddene.

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.

Ezekiele 39:28

“Sika eneerodduwella wi mi tti Apwiya Mullukwiiwa, vawi kahaarumiha wuukaporoni variyari va mitundu ddimodda nave kineerewaahokollosella attheene o ellapwiiwa woohimuhiya naari mmodda.

Ezekiele 37:21

Vano waalleelle wi mi Apwiya Mulluku kinallota wi, kineerowiithana Aisraele ovenyera omapuroni wiwa a okaporo variyari va athu a mitundu ddimodda. Kineerewaatthukumaniha ovenyera o embali ddisese ddittheddene ni waahokollosella o ellapo yoowaniwa.

Ezekiele 28:25

“Mi Apwiya Mulluku kinallota wi kaatthukumaniha Aisraele ovenyera o mitundu dda athu nko yamwareyelliiwawo, kineerowoonihella weella waka mwa alliwaayo athu a mitundu ddittheddene yoonaka. Alliwa eneerokhallattho mu ellapwiiwa eyo kamuvahilleemi oorumeyellaaka Yakobo.

Yesaya 66:22

“Wonanko mmo ellapo yavatthi yanaanweene ni ellapo yooddullu yanaanweene nnddo kinaddiphatuseemi ddinaakhalle wa enthawi yoohimalla vamiitthoni vaka emoddamoddave yeeyo edduullu ddanyu ni nnddina nanyu ddineerokhallavove.

Yesaya 61:9

Aniiwa eneerodduwanyeya variyari va mitundu ddimodda, edduullu ddiwattho ddineerovuwa variyari va athu attheene. Arive muthu oowoona aneerowella wi tti athu oodalisiwa ni Apwiya.”

Masalimo 35:6

Ettilliiwa ekhalle yeepiphi ni yoottherenya, mungelo a Apwiya aawaathwaraka.

Ezekiele 37:12

Sika ollotelle nave waalleelle wi, ‘Mi Apwiya Mulluku, kineerohulla mahamaanyu nave kineerewuukhumihanimo. Kineerewuuhokollosellani o ellapo ya Israele.

Yesaya 62:12

Muneeroromolliwa oopatuliwa a Mulluku, athu awoopolliwa ni Mulluku. We Yerusalemu, oneeroromolliwa wi, “Muzinda Wookondiwa ni Apwiya, Muzinda Woohihiyiwa ni Mulluku.”

Ezekiele 16:53

“Koma kineeromuhokollosella ddaphaama Sodomu ni mizi ddaye. Kineereweera emoddamoddave yeeyo ni Samariya ni mizi ddaye. Va enthawi yeeyo naweenettho Yerusalemu kineerewuuhokollosella ddaphaama.

Yesaya 62:7

Muhihiye wuupusa ophiyera emmakillettho Yerusalemu ni otthattusa muzinda oyo onaatthamalliwe ni ellapo yavatthi.

Yesaya 56:8

Apwiya Mulluku ayo enaatthukumaniha Aisraele oopallalleya enallota wi, “Kineerewaatthukumaniha athu amodda woonjerera va ayo yatthukumanille khalle.”

Deuteronomo 26:18

Ollello Apwiya aawaakhellani monga athwiiwa moollikana ni mmo yuulonjezelliiwani vaavove mwasunga malamulwiiwa mattheene.

Deuteronomo 26:19

Mwawi ddiiddo mu othokoza, oriiheya ni ovuwa eneerewuuwellihani okhwaranya mitundu ddimodda ddittheddene dda va ellapo yavatthi nnddo yaddiphatusalliiwa nave muneerokhalla athwiiwa aweella moollikana ni mmo yalonjezelliiwa.”

Yeremiya 30:3

Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Ezekiele 39:13

Athu attheene a mwiillaponimmo eneeroddivitthana nave mutteko yooyo eneerovuwana nllapo nno kinaawooniheemi ntitimiho naka. Mi Apwiya Mulluku koollota.

Zekariya 8:8

Kineerewaahokollosa wi yakhallettho o Yerusalemu. Sika eneerokhalla athwaaka nave kineerokhalla Mullukwiiwa, moororomelleya ni moolungama.”

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Yeremiya 33:9

Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”

Mika 2:12

“Koma nyu a nibanja nittheene na Yakobo, kineerewuutthukumanihani. Attheene oohalla a Israele, kineerewuutthukumanihani vamodda wonanko enkhosa munikhollani, wonanko mulloko wa eziweto vamunyepuni viwa. Nipuronno nineeroddalla ni waata wa athu.”

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Zekariya 8:13

Nyu mabanja a Yuda ni Israele, khalle mwaari echizindikiro ya matembelelo variyari va mitundu ddimodda dda athu. Koma vano kineerewuuvullusani wi mukhalle echizindikiro ya madaliso. Muhoove, llipani murima.”