Zefaniya 3:2 - Mawu a Mulluku

² Khaawiiwellelle mawu oochenjeza, khaawaapwathille oohumullulla. Khaawaaroromenlle Apwiya apaalle omwaatamella Mullukwaaye.

Zefaniya 3:2 ပူးပေါင်းရင်းမြစ်များ

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yeremiya 32:33

Aakireya etulli naari kavirellelle waahuddiha, kheyiiwalle apaalle waakhullella ohumullulla.

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Yesaya 43:22

Apwiya enallota wi, “Koma we Yakobo, khawaavekenlle wa miyaano, we Israele, waatopa ni miyaano.

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Miyambo 5:12

Vawi oneerollota wi, “Kaambiiwa tini kiitanilleemi ni ollaka? Kaambiiwa tini murimaaka wavevullalliiwa ohumullulliwa?

Masalimo 78:22

vawi khaamukhulupililalle Mulluku. Khaaroromenlle masivaaye oovullusa.

Masalimo 73:28

Koma okhalla vakhuviru ni Mulluku onnakiddivella, koosimikiza wi Apwiya Mulluku sika woothawella waka, kineerollalleya mitteko ddiwa ddittheddene.

Masalimo 50:17

Onniitana ni malangizwaaka, onnatathilla mawaaka.

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Ezekiele 24:13

Murawa yoolla tti minkhella dda oraruwa wawo, kahuuhuwa koma khawaaweellille. Vano khaweella ophiyera osha murima waka okwakhwanihiwe va weyaano.

Yeremiya 35:17

Sika mi Apwiya Amasiva Mattheene, Mulluku a Israele, kineerowoononga ni athu attheene a o Yuda ni a o Yerusalemu kaambiiwa kheyaakiiwellelle kaalleelleemi, kheyaakaakhunlle kawiithanilleemi.”

Yeremiya 35:13

allote wa athu a o Yuda ni Yerusalemu wi, “Mi Apwiya Amasiva Mattheene kinuukohani wi ethiyo kaambiiwa tini muhinaakhullelleenyu ohumullulliwa ni wiiwa mawaaka?

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.

Yesaya 1:5

Ethiyo munaavirellelle ollakiwa ni ohihiya owukila ophiyera niini? Arive muthu muru onimamvoreya nave murimaaye woofooka.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

2 Timoteo 3:16

Mawu mattheenaalla tti a Mulluku nave ennapharihiwa mutteko voohuddihani yawoona, voovaanyihani ni otthopoolla yoolakwa owaakattho ohuddiha dda echilungamo,

Yeremiya 13:25

Muneerewaakhella ollaka nko kuukeraatthihelleemini ekaamba yawi mookitiwalla nave munaroromella milluku ddawoottha.

Ezekiele 22:24

“We mwaana a muthu, omulleelle Yerusalemu wi olliye tti ellapo yooripihiwa navettho yoohirupiwa murimu ekaamba ya osha murima waka.

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Zefaniya 1:6

Alliwaayo yahaareya etulli Apwiya ehinaathwarattho, ehinawaashaasha apaalle waaveka ezeru.