Zefaniya 3:17 - Mawu a Mulluku

¹⁷ Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Zefaniya 3:17 ပူးပေါင်းရင်းမြစ်များ

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Masalimo 147:11

koma Apwiya ennahakallalla ni athu oowoova, ayo enatiyera echikondiiwa yoohisintheya.

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Deuteronomo 30:9

Apwiya eneerewuupambanihani wunchichi mu ddaweera ddanyu ddittheddene. Nave eneerodalisa ezipaso dda m'mwiillini mwanyu, ezipaso dda eziweto ddanyu ni ezipaso dda emata ddanyu. Apwiya ddineerewaaddivella wuupambanihani wonanko mmo ddaaddivellelliiwa waapambaniha makhollwaanyu.

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.

Yohane 15:11

“Killotille nndda ni nyuwaano wi kuukawelleni ohakallalla waka ni wi nyuwaano muhakallalle ni murimaanyu muttheene.

Yesaya 65:19

Mwaneenaaka kineerohakallalla wunchichi ekaamba ya Yerusalemu ni athwaaye. Wenko khowa wiiweyattho winlla apaalle okhupanya.

Numeri 14:8

Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Yesaya 18:4

Vawi Apwiya yaakilleella wi, “Ovenyera onipuroni waka kineeroweha vatthi mwawiithaalla wonanko nndduwa ninoopelliiwa enthawi yooviha apaalle mmo nikame ninimmelliiwa mahiiyu va enthawi yoohata.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 1:31

Mulluku aaweeha ddittheddene nnddo addiphatusalleeye nave ahoona wi ddaari ddaphaama wunchichi. Nave waakhalla misikuwa navettho waakhalla ohinase, nllapo naneetthanu ni nimodda.

Yesaya 63:1

“Ethiyo ttaani anavenyera o Edomu, awanre ddoofiira dda o Bozira? Ethiyo ttaani awanre ddoowara ddooreera, aneeta mookotella masivaaye?” Tti miyaano oollalleya echilungamo ni amasiva oovullusa.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Genesis 2:2

Va nllapo naneetthanu ni nimodda, Mulluku aamalliha mitteko ddaye ddittheddene aphareeye nave ahiithuuwa nllapo naneetthanu ni piilli.

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Yowele 2:21

“We ellapo, ohoove, thapella nave hakallalla vawi Apwiya aaweerella dduullupalli.

Deuteronomo 23:15

“Muhimuhokolloselleke wa apwinnya kaporo athawella wa nyuwaano.

Masalimo 78:65

Voomallihella Apwiya yakhanlle wonanko enimavenya wene omakonello, wonanko muthu amasiva anakhuwa ekaamba ya vinyo.