Zefaniya 3:15 - Mawu a Mulluku

¹⁵ Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.

Zefaniya 3:15 ပူးပေါင်းရင်းမြစ်များ

Yesaya 51:22

Apwiya, Apwiyaawo, Mullukwaawo, ayo enuutetezella enallota wi, “Ngoona, koowaakha kapu oohahareyiha, kapu oyo kawinnyalleemini kishille murima khamuwa mumuwiryattho.

Ezekiele 39:29

Ngiwa kaareya etulli vawi kineerohella munepaaka wa Aisraele. Mi Apwiya Mulluku koollota.”

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Amosi 9:15

Kineerewaallattho mwiillaponi mwiwa khaavo anawaatulle mu ellapo eyo kinawaavaheemi.” Mi Apwiya Mullukwaanyu, koollota.

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Zekariya 14:11

Athu eneerokhalla o Yerusalemu mwamurendelle vawi khewa yoopopihiwattho ni woonongiwa.

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Yesaya 60:18

Eziwawa kheddiwa ddiiweyattho, ellapwaawo khewa yoonongeyattho. Kinaakhalle wonanko mpanda wawuuteteza, oneerokititimiha ekaamba yawuuvullusa.

Yesaya 33:22

Vawi Apwiya sika ooneeruzaahu, Apwiya sika oonilamulellaahu, Apwiya sika mwenaahu nave alliwa sika enaanivulluse.

Masalimo 85:3

Mwaahiya osha murima wanyu wawoopiha, mwaahiiha onanariwa wanyu wookhara munllo.

Yawuupullulla 12:10

Sika kahiiwa mawu ookhuwa ovenyera ooddullu awi, “Vano ovullusa, masiva ni omwene wa Mulluku nave olamulello wa Mesiya* ddoophiya. Vawi oyo aniimella vamiitthoni va Mullukwaahu aavaanyihaka asinnihu ni arokorihu otthaana ni mahiiyu ahiikarihiwawo oddullu wuno.

Yawuupullulla 7:15

Ella sika ekaambiiwa yiimenlliiwa vamiitthoni va mpando woomwene wa Mulluku nave enamurumeyella otthaana ni mahiiyu mu enyumbaaye. Oyo anakeraatthi vampandoni wa omwene aneerewaakhuneella ni muuthuuchaaye ni waawehera.

Yohane 19:19

Pilato aalemba edduwanyeyiho iiyaatthi vamutandani. Aalembille wi, “Yesu a o Nazareti, Mwene a Ayuda.”

Yohane 12:15

“Muhoove, nyu athu a Ziyoni! Ngoonani, mwenaanyu animawa wa weyaano, amuwenlle mwaanabulu.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Habakuku 2:17

Ekuku weerilleewe o Lebanoni eneerowoopopiha, woononga wa enama ddamuhakani oneerewuutthukumelliha ekaamba yawi woomoriha nikhame na athu, waaweerella ekuku athu a ellapo yavatthi ni mizinda ddiwa.

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Ezekiele 48:35

Sika waapheella muzinda muttheenooyo onaakhalle mamita 9,000 nave nnddina na muzindooyo wa enthawi yoohimalla ninaakhalle Apwiya eri vaava.”

Yesaya 65:19

Mwaneenaaka kineerohakallalla wunchichi ekaamba ya Yerusalemu ni athwaaye. Wenko khowa wiiweyattho winlla apaalle okhupanya.

Yesaya 54:14

Oneerokeraattheya mu echilungamo, khowattho onyingallelliwa, ddawoona, khowattho woova, Khuwa woopopihiwa kaambiiwa ddeko ddawoopiha khaddiwaatamella.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Genesis 30:23

Olliyettho aakusa erukullu, amuyara mwaana aamullopwana. Nave aallota wi, “Mulluku ookivenyihera owulliwa muru.”

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Habakuku 2:8

Ekaamba yawi waawaakha athu a mitundu ddinchichi athu oohalla eneerowaakhattho ekaamba yawi woowiipha ni oweerella ekuku athu a va ellapo yavatthi ni mizinda ddiwa.

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Yohane 5:30

“Nginawora weera ello miyaano meekhaaka. Kinaweeruza moollikana ni mmo Attiitthaaka yakilleellelliiwa, sika echiweruzwaaka eri yawoona kaambiiwa ngineera nnddo kinapaalleemi koma ddennddove anapaalla oyo aakirumalle.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Masalimo 19:9

Owoova Apwiya tti waphaama, khonamalla. Echiweruzo ya Apwiya tti yawoona wunchichi, tti yoolungama erive enthawi.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Ezekiele 35:10

“Mwaallota wi ‘Mitundu miilli dda athu, Yuda ni Israele, ddineerokhalla ddaahu vamodda ni ellapo ddiwa ddene.’ Mwaaneera ddiiddo naari mi Apwiya kaari ni alliwa mwemmo.

Masalimo 149:2

Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Yesaya 52:9

Nyu matepe a Yerusalemu, khuwani moohakallalla, Apwiya ahaakhurumusa murima athwiiwa, aamoopolla Yerusalemu.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Ezekiele 36:15

Ngaakhullellattho wi wiiwe ovevulla wa athu a mitundu ddimodda apaalle khowa ovillella onyemulla wiwa nave khowa waakwakwatuwiha athu a mu ellapwaawo. Mi Apwiya Mulluku koollota.”