Zefaniya 3:14 - Mawu a Mulluku

¹⁴ Nyu athu a o Ziyoni, ipani moowelliha, nyu Aisraele, khuwani. Hakallallani, thapellani ni murimaanyu muttheene, nyu ookhalla mu Yerusalemu.

Zefaniya 3:14 ပူးပေါင်းရင်းမြစ်များ

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Mika 4:8

Vano we Ziyoni, nttattha nooteteza enkhosa ddaka, mwaango wa athwaaka, omwenaawo wakhalle oneerohokollowa, omwene wa mwaana aamutthiyana a Yerusalemu.

Yesaya 54:1

Apwiya enallota wi, We mutthiyana oohiyara, ipa moohakallalla, we ohinooneke ovoreya wa oyara, khuwa ni woopa ellullu. Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Yesaya 40:9

We oollalleya othenga waphaama o Yerusalemu, wella va mwaango woorekama. We oollalleya othenga waphaama o Ziyoni, khuwa mwamasiva. Welliha mawu, ohoove, olleelle mizinda dda o Yuda wi, “Olla sika Mullukwaanyu!”

Yesaya 35:2

Eneerokhalla ni malluwa manchichi, eneerohakallallattho ni wiipa. Eneerovahiwa oriiheya wonanko wa miyaango dda Lebanoni, eneerewooneya mooreera wonanko miyaango dda Karimele ni Sharoni. Arive muthu aneerewoona ntitimiho na Apwiya, ni ottekweene wa Mullukwaahu.

Mateyu 21:9

Athu yeeta vahoollo va Yesu ni vatulli vaye yaakhuwa wi, “Ntitimiho nikhalle wa Edduullu ya Davide! Oodalisiwa oyo anawa mu nnddina na Apwiya. Ntitimiho nikhalle wa Mulluku.”

Masalimo 14:7

Ovullusiwa wa Israele ophiye ovenyera o Ziyoni. Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Nehemiya 12:43

Nave va nllapo nenno yaavelleella mikutho ddinchichi nave yaahakallalla wunchichi vawi Mulluku aaweeriha wi ehakallalle. Atthiyana ni anamwani yaahakallallattho nave ohakallalla wa athu a o Yerusalemu wahiiweya wuuteete.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Yeremiya 31:13

Anamwalli eneerewiina moohakallalla, asombwe ni awuulluvalleene eneerohakallalla. Winlla wiwa kineerowutthattusa ohakallalla, kineerewaahakallalliha ni waavutta miitthori ddiwa.

Yeremiya 30:19

Athu eneerewiipa machipo owaatitimiha, vineerewiiweya okhuwa woohakallalla. Kineerowaatiha, khekhallattho aweerengeya, kineerewaavaha eyuuma, khenyaambusiwa.

Masalimo 97:8

Nyu Apwiya, Ziyoni anniiwa nave annahakallalla, mizinda dda o Yuda ddinnathapella ekaamba ya echiweruzwaanyu.

Yesaya 37:22

kinallota dda olliye wi, ‘We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Yesaya 40:1

“Akhurumuseni murima, akhurumuseni murima athwaaka,” Mullukwaanyu oollota.

Masalimo 149:2

Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.

Yesaya 52:9

Nyu matepe a Yerusalemu, khuwani moohakallalla, Apwiya ahaakhurumusa murima athwiiwa, aamoopolla Yerusalemu.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.