Zefaniya 3:12 - Mawu a Mulluku

¹² Variyari vanyu kineerewaahiya awiiyeviha ni ookittha, alliwa eneerewaasha voothawellavo mu nnddina na Apwiya.

Zefaniya 3:12 ပူးပေါင်းရင်းမြစ်များ

Yesaya 14:32

“Ethiyo ninaawaakhulle tini Afilisti? Ninaallote wi, ‘Apwiya aamukeraatthiha Ziyoni nave mu muzinda yoolla athwiiwa oohoosiwa ennaphwanyamo voovulluwellavo.’ ”

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

Aroma 15:12

Namallotella Yesaya anallotattho wi, “Mmodda a edduullu dda Yese aneeroowa, aneeroowa wi aalamulelle athu a mitundu ddimodda nave alliwaayo enaatiyereke va olliyooyo.”

Mateyu 12:21

Nave athu attheene a ellapo yavatthi enaamutiyereke olliye.”

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Zekariya 11:11

Sika echipanganweeyo yaamalla nllapo nenno nave ookulliha enkhosa ayo yakiwehesesa yaadduwella wi ddittheddene keereemi ddaari ddoovenyera wa Apwiya.

Masalimo 37:40

Apwiya ennaakavihera ni waavullusa, ennaavenyiha m'mattani mwa oonanara, vawi athwaayo aathawella wa alliwa.

Yesaya 14:30

“Athu oohoowesesa eneerophwanya yoocha navettho oopaneya eneerokhalla vaphaama. Koma nyu Afilisti kineerowoonongani ni ettalla nave oohalla kineerowiipha.

Zekariya 11:7

Vano kahaamba owehera enkhosa ddooya wawiiphiwanndde. Kaakusa ekopo piilli yawaamba kaayiromolla Echisomo nave yaneepiilli Mwiiwanano. Sika kaawuwehera phaama mulloko wa enkhosoolle.

Ezara 9:8

Koma vano wa enthawi yooyeva nyu Apwiya Mullukwaahu mooneerella echifundo voohinitthollosani wuukaporoni koma onivaha nipuro mu nipuro nanyu noopatuleya. Sika nyuwaano Mullukwaahu moonikhunuulla miittho ni onihihimulla wuukaporoni.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.

Yeremiya 17:7

“Koma oodala tti muthu oyo anaaroromella Apwiya, oyo anahameella va alliwa.

Yeremiya 50:20

Mallapo yaayo, enthawi yeeyo yaphiya, eneerewaashaasha ddoonanara dda Israele koma khephwanyeya naari emodda. Eneerewaashaasa machimo a Yuda koma kheyaaphwanya naari vang'ono. Vawi oohalla kaahiyalleemaalle kineerewaakhululukella. Mi Apwiya koollota.”

Ezekiele 6:8

Koma amodda mwa nyuwaano kineerewaahiya ni okumi. Eneerovulluwa o ekhoto nave kineerewaapallallesella o ellapo ddimodda variyari va mitundu ddimodda.

Mika 5:6

Alliwa eneerogonjiha ellapo ya Asiriya ni nsupada nave eneerewaakha ellapo ya Nimirodi mwakhoto. Aneeronivullusa wa Aasiriya yavollowa ni ollapuwella mwiillaponi mwahu.