Zefaniya 3:1 - Mawu a Mulluku

¹ Otulli wa Yerusalemu, muzinda woowukila, wooripihiwa ni weekuku.

Zefaniya 3:1 ပူးပေါင်းရင်းမြစ်များ

Yeremiya 6:6

Apwiya Amasiva Mattheene ahaalamula mamwene mattheenaalla wi, “Uhani miteekho dda mu Yerusalemu nave muzindoolla muwumakelle mikhuttu ddakhoto. Muzinda yoolla tti woophwanella ollakiwa mooddalla ddoohoosa.

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Yesaya 30:12

Sika ekaambiiwa Aweella a Israele anallota wi, “Mwaavevulla mawaaka, mwaaroromella waanyingallella amodda nave mwaahameella va woottha.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Zekariya 7:10

Muhaahooseke anaamukhwelle ni akhwaadduni, alleto apaalle oohoowa navettho omuganizera ddoonanara mukhwiinyu.’

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Mika 2:2

Ennaakha emata enaddisililiiwa nave ennaakhattho enyumba enaddikhumbiiwa. Ennamukatamiha muthu ni nibanja naye ni owaakha yoohallaniiwa.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Yesaya 5:7

Israele sika emata yampesa ya Apwiya Amasiva Mattheene Yuda sika mpesaaye woohakallalliha. Apwiya yaatiyerella ddaphaama koma yoonille wiiphanana. Alliwa yaatiyerella echilungamo koma yiiwalle winlla wa oohoosiwa.”

Levitiko 1:16

Vano avenyihevo ethoogoro ni ddamuwari mwa ethoogoro nave edditathillelle vaddallani, wookhuma nndduwa wa nikuwanno.

Amosi 4:1

“Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Amosi 3:9

Ollalleye wa athu ookhalla o mipanda ddoollipa dda Ashidodi navettho wa ookhalla mu mipanda ddoollipa dda o Iguputo wi, “Mutthukumane omiyaangoni dda o Samariya, moone ddoovirikana dduullupalli ni ddoonyingallella ddineereya wenko.

Ezekiele 23:30

sika ddinaawuuwiihelle ddenndda ekaamba yawi woheera ddoonanara ni mitundu dda athu eelleto nave wohiiripiha ni mafanwiiwa.

Ezekiele 22:29

Athu a mwiillaponimmo ennaahoosa akhwiiwa navettho enniiya. Ennaahoosa athu oopaneya ni oohoowa. Ennaakatamiha alleto voohiweerellani ddeko moolungama.

Yeremiya 5:23

Koma nyuwaano tti awumma murima ni oowukila. Moohollowa ni okihiya miyaano.

Yesaya 59:6

Randasi khanawariwa wonanko ekuwo sika khaniikhuneelliwana. Ddaweera ddiwa tti ddoonanara nave mitteko dda mattiiwa tti ddeechiwawa.

Yeremiya 6:7

Wonanko mmo ehime enasungelliiwa maaddi, sikattho Yerusalemu anasungelleeye ddoonanara ddaye. Kinniiwa mwa olliye dda echiwonongeko ni ekhoto nave kinnoonattho ereta ni makhwata.