Zefaniya 1:4 - Mawu a Mulluku

⁴ Kineerotukhulla nnatta naka wi kaallake athu a mu Yuda ni a mu Yerusalemu. Kineerewoononga ddittheddene ddoohalla dda Baala va nipuro nenna. Khaavo oyo anaawuupuwellettho allupa mukutho a nifanonno.

Zefaniya 1:4 ပူးပေါင်းရင်းမြစ်များ

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Mika 5:13

Kineerewoonongattho mafanwaanyu mattheene vamodda ni apoto oopatuleya mwiillaponi mwanyu. Khamullapellakattho ddeko nnddo mwapangilleenyu ni mattaanyu.

Yeremiya 6:12

Enyumba ddiwa ni emata ddiwa ni awariweene ddineerovelleelliwa wa amodda. Ddawoona ni nnatta nakanna kineerewaallaka athu ookhalla mwiillaponimmo. Mi Apwiya koollota

2 Epilli 34:4

Sika yaakumulla makuwa a Abaala olliye oonaka, yaakumullattho makuwa awoosellavo lubani* ayo yaari vaddullu viwa. Yaapwesa mafano a Asherimu ni amikoko nave yahaasilla ni waatthattusa nthupi nave yaahella nthupinno va mahame a athu yavelleella mikutho wa mafano.

2 Mamwene 21:13

Kineeromullaka Yerusalemu wonanko mmo kamweerelleemi Samariya ni Ahabu ni nibanja naye. Sika kineeromweelliha Yerusalemu vawaavenyihamoni athwaaye wonanko mmo muthu aneerelleeye ni embale, annayihuwa ayigudumeya.

Eksodo 15:12

Mwaatthoonyiha nnattanatta nanyu, nave ethaya yahaamirya.”

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Ezekiele 6:14

Sika kineerowoononga ni muwonwaaka nave ellapwiiwa ettheene kineeroyitthattusa otthako ni ntepe, ovenyera o chipululu ophiya o muzinda wa Ribula. Vano eneerodduwella wi mi tti Apwiya.”

Ezekiele 25:7

Ekaamba ya yeella kineerewuullakani ni nnatta naka nave kineerewuuhiyani m'mattani mwa athu a mitundu ddimodda wi mukhalle yawaakha. Kineerewuuvenyihani variyari va athu a mitundu ddimodda nave kineerewuutthollosani va ellapo yavatthi. Kineerowoonongani nave muneerodduwella wi mi tti Apwiya.’ ”

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Zefaniya 2:13

Apwiya eneerotukhullella nnatta niwa ompoto owoononga Aasiriya, muzinda wa Nineve eneerowutthattusa ntepe, wawumma wonanko echipululu.

2 Mamwene 23:12

Vatulli viwa mwene aakumulla makuwa a vaddullu va echipinda yavaddullu ya Ahazi ayo yamakiwe ni mamwene a o Yuda navettho makuwa ayo Manase aamakilleeye va mathato meelli a enyumba ya Apwiya. Nave aatathilla nthupi niwa m'muhinjeni wa Kidroni.