Zefaniya 1:12 - Mawu a Mulluku

¹² Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Zefaniya 1:12 ပူးပေါင်းရင်းမြစ်များ

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Yeremiya 48:11

Apwiya yaallota wi, “Mowabu ookhalla va murendelleni ovenyera esombwaaye wonanko vinyo ookeraattheya phaama, oohimiminelliwa m'munoni mmodda. Ekaamba yawi khanaphariweke okaporo, makhallellwaaye tti amoddamoddave navettho wunkhella waye tti omoddamoddave.”

Ezekiele 8:12

Vano Apwiya yaakikoha wi, “We mwaana a muthu, ethiyo onnoona nndda eneera attekweene a Aisraele mwiipiphinimmu? Arive muthu anallapella nifano na Asherimu. Anallota wi, ‘Apwiya khenanoona! Apwiya aayihiya ellapweella!’ ”

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Masalimo 94:7

Vano ennallota wi, “Apwiya khenoona, Mulluku a Yakobo, khanadduwella.”

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

2 Petro 3:4

nave eneerokoha wi, “Ethiyo Apwiinyu kheyaawuulonjezilleni wi eneeroowa? Eri wuuwi? Makhollwaahu aakhwa khalle nave erive ello tti wonanko mmo yaariiwa waambeella ophatusiwa wa ellapo yavatthi!”

Obadiya 1:6

Nyu edduullu dda Esau, eyuumaanyu yohaakhiwa,

Yeremiya 10:5

Mafanwaalla tti wonanko yoowoopopihella anakhuku m'matani, khenawora naari ollota. Enaroromella otukhulliwa vawi kheneeta weekhiiwa. Muhiwooveke mafanwaayo vawi khewora oweerellani ddoonanara, khennattho naari masiva ooweerellani ddaphaama.

Yesaya 5:19

Alliwa enallota wi, “Apwiya yaakuve, ephare muttekwiiwa moohiselliwa wi noone. Nnddo ddinapaalla weera Aweella a Israele ddeereye wi niddidduwelle.”

Masalimo 14:1

Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

Yobu 21:15

Ethiyo Amasiva Mattheene ttaani wi nimurumeyelle? Ethiyo ninaphuravo tini voomuvekellani olliye?’

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Malaki 2:17

Mohaatopiha Apwiya ni ddoollota ddanyu koma munakoha wi, “Naatopihalle mwawiidde?” Mwaatopihalle voollotani wi, “Arive muthu aneera yoonanara tti aphaama vamiitthoni va Apwiya nave alliwa ennahakallallana.” Apaallettho vookohani wi, “Ari wuuwi Mulluku eechilungamo?”

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.