Yuda 1:3 - Mawu a Mulluku

³ Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.

Yuda 1:3 ပူးပေါင်းရင်းမြစ်များ

1 Timoteo 6:12

Wanana ekhoto yaphaama ya echikhulupililo, pharesesa okumi woohimalla oyo wiithanelliweewe nave wahaakhullella moohikhuwa echikhulupililwaawo vamiitthoni va amboni anchichi.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Tito 1:4

Kinuulembella wonanko Tito, mwanakamwanaka a echikhulupililo yoophwanaphwana ni miyaano. Echisomo ni murendelle ddoovenyera wa Attiitthiihu ni Khrisitu Yesu oonivullusa ddikhalle ni weyaano.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

2 Timoteo 1:13

Thwara echisanzo ya mawu awoona ayo wiiwalleewe wa miyaano, mwa echikhulupililo ni echikondi eyo eri mwa Khrisitu Yesu.

1 Timoteo 1:18

Timoteo, mwanaka, kinavelleella lamulonna wa weyaano moollikana ni mawu a yoollotelliwa khalle dda weyaano. Mawu yaayo yuukavihere owana ekhoto yaphaama,

Agalatiya 2:5

Koma khanaawagonjenlle naari vang'ono wi yawoona ya othenga waphaama ekhalleve ni nyuwaano.

Aheberi 13:22

Kinimuuvekani, asinnaka ni arokoraka wi muwaakhelle phaama mawu oollipiha murimaalla vawi kuulembelleni moophadda.

Mitteko 9:22

Koma Saulo aavirellella ollalleya mwamasiva manchichi. Nave ahaahalleelliha Ayuda ookhalla o Damasiko voowoonihellani wi Yesu sika Mesiya.*

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Deuteronomo 9:10

Nave Apwiya yaakinnya malluku meellaalle mvo yalembilliiwa ni eyaalliiwa ddittheddene nnddo yallotilliiwa ni nyuwaano eri m'munlloni va nllapo nne mwatthukumanneenyu omwaangoni wulle.

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

1 Akorinto 15:3

Vawi kaavelleella wa nyuwaano yoopaalleya yuullupalli eyo kaakhenlleemittho yawi Khrisitu aakhwa ekaamba ya ddoochimwa ddahu wonanko mmo ddilembelliwiiwa mu mawu a Mulluku,

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Mitteko 18:28

Vawi mwamasiva ahaavaanyiha Ayuda athu yoonaka, wooniha mwa mawu a Mulluku wi Yesu tti Mesiya.

Mitteko 17:3

Nave ahaatthopoollella mawu a Mulluku navettho aawoonihella wi Mesiya* anaphwanella ohoosiwa nave avenye wa ookhwa. Nave aallota wi, “Yesu yoolla kinamullalleyeemi wa nyuwaano sika Mesiyooyo.”

Yuda 1:17

Koma nyuwaano akhwaaka ookondiwa, muupuwelle ddallotiwe ni amurummwa a Apwiya Yesu Khrisitu.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

Akolose 1:2

Ninaalembella athu a Mulluku a o Kolose, asinnihu ni arokorihu oororomelleya mu eyaattano ni Khrisitu. Echisomo ni murendelle ddoovenyera wa Mulluku Attiitthiihu ddikhalle ni nyuwaano.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Agalatiya 6:11

Ngoonani malemba muullupalli ayo kinalembeemi wa nyuwaano vano ni nnatta naka na meekhaaka!

Mitteko 28:28

Nave Paulo aamalliha ni wi, “Vano mudduwelle wi Mulluku oorumiha mawaaye oovullusa wa athu ayo ehiri Ayuda. Alliwaayo eneerowiiwella!”

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Nehemiya 13:25

Vano kaakanganana ni waatembelela nave kaawuukutha amodda ni waatulla meehiiwa. Nave kahaallupelliha vamiitthoni va Mulluku wi, “Muhaatthellihe aniinyu aatthiyana wa allopwana eelleto nave nyuwaano ni aniinyu aallopwana muhaatthelle atthiyana eelleto.

Deuteronomo 21:9

Mweera eyo eri yaphaama vamiitthoni va Apwiya muneerovenyihavo nichimo noomwiipha muthu oohilakwa variyari vanyu.”

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Mitteko 9:13

Ananiya ahaakhulla wi, “Apwiya, athu anchichi aakilleella dda muthu yoolla navettho wi oheera ddoonanara wa athwaanyu a o Yerusalemu.

Aheberi 6:9

Naari ninalloteehu mwawi ddiidda, akhwaaka ookondiwaanyu, ninnasimikiza dda nyuwaano wi moodalisiwa phaama vawi muneerovulluwa.

2 Petro 2:21

Waaweerokhalla waphaama yaahidduwenlle ettilla ya echilungamo ohiyana ni oyidduwella nave waahiya malamulo aweella yaavahiwe wa alliwa.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.