Yuda 1:19 - Mawu a Mulluku

¹⁹ Athu yaalla tti ayo enaambiha okawaneya, enathwara ddeko ddoonanara dda vatthimva nave khenna Munepa Waweella.

Yuda 1:19 ပူးပေါင်းရင်းမြစ်များ

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

Aroma 8:9

Koma nyuwaano khamunakhalla moollikana ni omuthwaanyu koma munakhalla moollikana ni Munepa, Munepa a Mulluku aari akhallaka mwa nyuwaano. Muthu oyo ahinna Munepa a Khrisitu khanakhalla a olliye.

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

Aheberi 10:25

Nihisoseke o mitthukumano ddahu ddoollapella wonanko mmo eneerella amoddaayo. Koma hankoni nillipihane mwiilli vawi munnadduwella wi nllapo na Apwiya nohaatamella.

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Miyambo 18:1

Muthu awiiddivella annaashaasha ddoopaalla dda yeekhaaye, okangana ni ezeru yaphaama.

Hoseya 4:14

Koma ngaallaka aniinyu aatthiyana ni avokohaanyu ekaamba ya oraruwa wiwa. Vallethi allopwananyu ennararuwa ni mahule voollapellani nave munnaheraatthi mukutho vamodda ni alliwa. Athu oohikhalla ni ezeru ddiidda eneerewoonongeya.

Ezekiele 14:7

“Arive Muisraele apaalle mulleto ookhalla variyari viwa aakikhoota, ahiya murimaaye muttheene va mafano nave ahiya miitthwaaye va ddookwakwatulliha ni waachimwiha, awa anakiveka ezeru oweella mwa namallotella, miyaano kineeromwaakhulla.

1 Akorinto 6:19

Ethiyo khamunadduwella wi mwiillaanyu tti enyumba ya Munepa Waweella oyo anakhalla mwa nyuwaano navettho aavahiwe wa nyuwaano ni Mulluku? Khamunakhalla a nyuwaano weekhiinyu.

Yesaya 65:5

Nave ennaalleella amodda wi, ‘Venyanivoni, muhinaatamelle kaambiiwa hiyaano tti oopatuleya.’ Miyaano ngiwora ovillella ni athu yaalla vawi owallaaka va alliwa tti wonanko munllo woohithiima.