Yuda 1:18 - Mawu a Mulluku

¹⁸ Yahuulleellani wi, “Va mallapo oomallihella vineerokhalla athu oovevulla, owiitukhulla voothwarani minkhella ddiwa ddoonanara.”

Yuda 1:18 ပူးပေါင်းရင်းမြစ်များ

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

2 Petro 2:1

Anamallotella awoottha yahooneya khalle variyari va athu nave emoddamoddave yeeyo ahuddihi awoottha eneerewooneya variyari vanyu. Mwawiitta eneerowaana ehuddiho ddawoononga. Nave eneerewaakhoota Apwiya ayo yaakullalle nave vaweerani ddiiddo eneerowaana woonongeya wawaakuva vaweekhiiwa.

Mitteko 20:29

Kinnadduwella wi kavira, oneeroowa enama ddamuhakani ddawoopiha variyari vanyu nave ddineerewoononga mpingooyo.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.