Yuda 1:16 - Mawu a Mulluku

¹⁶ Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

Yuda 1:16 ပူးပေါင်းရင်းမြစ်များ

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

Afilipi 2:14

Mweereke ddittheddene moohiwinya apaalle ovaanya,

1 Petro 4:2

Vano waambeella enthawi yeella ophiyera muhoollo, okhalla wanyu wa va ellapo yavatthimva onaphwanella ohoollelliweke ni opaalla wa Mulluku ohiri ni minkhella dda omuthu.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

1 Akorinto 10:10

Nihiwinyeke wonanko amodda a alliwaayo vawi yahiiphiwa ni Mungelo Awiipha.

Yuda 1:18

Yahuulleellani wi, “Va mallapo oomallihella vineerokhalla athu oovevulla, owiitukhulla voothwarani minkhella ddiwa ddoonanara.”

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Yuda 1:15

Eneeroowa wi eweeruze athu attheene nave eneerokamulla wi attheene oohaakhulupilila alliwa tti oochimwa ekaamba ya mitteko ddiwa ddoonanara eneeriiwa yaachimwaka navettho ekaamba yawi yaamullotella epewe olliye.”

1 Petro 1:14

Mumwiiwellelleke Mulluku, okumaanyu ohilamulelliweke ni minkhella mwathwareenyu khalle moohidduwella.

Agalatiya 5:16

Eyo kinalloteemi tti yawi muhiye wi Munepa Aweella ahoollelleke okumaanyu. Mweeddiiddo khamukwakhwanihaka minkhella dda omuthu.

Yohane 6:61

Yesu aadduwella m'murimani mwaye wi oohudderaaye yaanawinya, sika ahaakoha wi, “Munapaalla okihiya miyaano ekaamba ya yeella?

Yesaya 29:24

Athu ookarangeya eneerophwanya ezeru nave ookhupanya eneerewaakhullella malangizo.”

Masalimo 17:10

Ahummiha mirima ddiwa, ennallota mwawiitukhulla.

Numeri 16:11

Otthukumana wawiddiiddanngu, weyaano ni mullokwaawo, tti okangana ni Apwiya. Ethiyo Aroni tti aani wi mumuwukileke?”

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

1 Atesalonika 4:5

ohiri okhalla ni minkhella ddoonanara, wonanko oohikhulupilila ayo ehinamudduwella Mulluku.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Yohane 6:41

Vano Ayuda yahaamba owinya kaambiiwa Yesu aallota wi, “Mi tti buledi ookittha ovenyera oddullu.”

Luka 19:7

Athu attheene yoonillaayo yaananariwa ellota wi, “Ooya akhalle mulleto o enyumba ya muthu oochimwa!”

Luka 15:2

Afarisi* ni ahuddihi a malamulo* yaananariwa ellota wi, “Muthoolla annawaakhella athu oochimwa naari ochana wene.”

Luka 5:30

Afarisi amodda ni ahuddihiiwa a malamulo yahaamba owinya, yaakoha oohudderaaye wi, “Kaambiiwa tini munacheenyu ni owirya ni ookhomiha misonkho ni athu amodda oochimwa?”

Miyambo 28:21

Ntthoollo khe naphaama koma enthawi emodda muthu annooniha okondella ekaamba ya mwanabuledi.

Masalimo 106:25

Yaaniinyullulla m'misasani mwiwa, ehiniiwellella mawu a Apwiya.

Yobu 34:19

Olliye khanaakondella oolamulella apaalle waariiha eeyuuma okhwaranya oohoowa vawi attheenaayo tti mutteko wa mattaaye.

Yobu 32:21

Ngiweha ekhove wa arive muthu apaalle ollota ddoomuddivella muthu mmodda.

Deuteronomo 1:27

Nyuwaano mwakhallella okhupanya m'misasani ddanyu voollotani wi, ‘Apwiya ennaniita hiyaano. Sika ekaambiiwa yanikhumihalliiwa o ellapo ya Iguputo, enivelleella m'mattani mwa Aamori wi eniiphe.

Numeri 14:36

Athu alle Mose aarumalleeye wi yazonde ellapo ewiillewo, amodda yahaamba oweeriha athu wi emwiinyullulle Mose vawaalleellani ddoonanara dda ellapweeyo.

Numeri 16:41

Koma osaka wene Aisraele attheene yahaahumullulla Mose ni Aroni wi, “Nyu moowiipha athu a Apwiya.”

Masalimo 73:8

Ennanyemulla ni ollota ddoonanara, enniitukhulla nave ennawoopopiha amodda wi eneerewaanyingallella.