Yowele 3:7 - Mawu a Mulluku

⁷ Koma kineerewaakhumihawo omapuroni nko mwaakullihalleenyuwo nave kineerewuuhokollosellani nnddo mwaweerelleenyu.

Yowele 3:7 ပူးပေါင်းရင်းမြစ်များ

Yeremiya 23:8

Koma eneereke wi, ‘Va miitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”

2 Atesalonika 1:6

Mulluku tti oolungama ndithu, aneerewaallaka ayo enuuhoosani.

Yeremiya 30:16

Koma attheene yawoonongilleni, kineerowoonongattho alliwaayo. Attheene awuuhoosani eneerophariwa okaporo. Attheene awaakha ddeko ddanyu alliwattho eneerewaakhiwa. Attheene awuumallihani, alliwattho eneeromallihiwa.

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Yawuupullulla 13:10

Ayo enaphwanella ohiyiwa mundende eneerowallelliwa nave ayo enaphwanella wiiphiwa ni nsupada eneerewiiphiwa. Nngu sika wiithaniwa wa athu a Mulluku wi evillelleke ni okhulupilila.”

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Mateyu 7:2

Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Yowele 3:4

“Ethiyo nyu athu a o Tiro, Sidoni ni a o ezigawo dda Filistiya, munapaalla mukeere tini? Ethiyo munakihokollosella ekaamba ya nnddo kiweerelleemini? Ddaarimi ddiri ddiiddo, nameenettho kineerewuuhokollosellani mwawaakuva.

Ezekiele 38:8

Kineerowiithana vavira mallapo manchichi. Miyakha ddinawanndda kineerewuuvollochiha mu ellapo eyo yavulluwalle okhotoni. Oneerewaaphwanya athu etthukumanne ovenyera o mitundu ddinchichi dda athu, ekeraattheyille omiyaangoni dda Aisraele, ayo yahiyiwe enthawi yoorekama koma yakhumihiwe variyari va mitundu dda athu nave attheenaayo eri vamurendelleni.

Ezekiele 36:24

Kineerewuukhumihani variyari va mitundu ddimodda, kineerewuutthukumanihani ovenyera o erive ellapo nave kineerewuuhokollosellani mu ellapwaanyu.

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Yeremiya 31:8

Kineerewaakhumiha ovenyera o ellapo ya ompoto, kineerewaatthukumaniha ovenyera wookomella ellapo yavatthi, oohoona ni oorakalla, atthiyana eerukullu ni a va enthawi yooyara. Onaakhalle mulloko muullupalli wa athu oohokollweella wuno.

Yesaya 49:12

Ngoonani, athwaaka eneerovenyera woorekama, amodda ompoto, amodda woovollowa nndduwa, amoddattho o Asuwani, omwera.”

Yesaya 11:12

Eneerewiimesella embendela mitundu ddittheddene dda athu nave eneerewaatthukumaniha oorimeella a o Israele ni oopallalleya a o Yuda ovenyera o makona matthanu mattheene a ellapo yavatthi.

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

1 Samuele 15:33

Koma Samuele aallota wi, “Nsupada nawo nooweeriha atthiyana wi ehikhalle ni anamwani. Emoddamoddave yeeyo amaayo khekhalla ni anamwani, moophwanaphwana ni atthiyana amoddaayo.” Vano Samuele aamwiipha Agagi amuphadda enthuli enthuli vamiitthoni va Apwiya o Giligala.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

Yesaya 66:6

Ngiiwani winlla woovenyera mu muzinda! Ngiiwani mawu mu enyumba ya Mulluku, mawu a Apwiya vawaahokollosellani ddoonanara adaniiwa.

Zekariya 9:13

Kineeromukunga Yuda wonanko muura wa akhoto, Efuremu sika anaakhalle mpaambiiwa. We Ziyoni, kineerewaakusa anaawo, wi ellipane ni anaawo, we Grisi, wonanko nsupada na akhoto amasiva.”