Yowele 3:2 - Mawu a Mulluku

² Kineerotthukumaniha mitundu ddittheddene ni oddiwaana ohito wa ntapo na Yehoshafati. Wenko kineeroweeruza ekaamba ya nnddo yaweerelliiwa Aisraele, athwaaka ni yoohallanaaka vawi ahaapallallesella mu ellapo ddiwa ddittheddene nave ayikawakawa ellapwaaka.

Yowele 3:2 ပူးပေါင်းရင်းမြစ်များ

Zefaniya 3:8

Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Yesaya 66:16

Eneerewaallaka athu attheene a va ellapo yavatthi ni munllo ni nsupada nave anchichi eneerewiiphiwa ni Apwiya.

Ezekiele 38:22

Kineeromullaka ni mullilli owaaka okhwa. Kineeromumorihella olliye, akhotwaaye ni va mitundu ddittheddene dda athu enuukavihera, murimu, marallalla, munllo ni sulufure.

Yawuupullulla 16:16

Vano minepa ddoonanaranndde ddahaatthukumaniha vamodda mamwenaalle vanipuroni nooromolliwa wi, “Armagedoni” mu ellotello ya Eheberi.

Yowele 3:12

“Athu a mitundu ddittheddene ekhozeke, ephiye o ntapo na Yehoshafati. Wenko kineeroweeruza athu a mitundu ddittheddene, oovenyera mu ezigawo ddawaapheella.

Ezekiele 39:11

“Nllapo nenno Gogi kineeromuvaha mahame wi avitthiwemo mu ellapo ya Israele, mu ntapo na Athu Avoolendoni, wookhuma nndduwa wa Enyanja Yookhwa. Ettilla yooweella mu ntapo na Athu Avoolendoni eneerowalleya kaambiiwa Gogi ni akhotwaaye eneerovitthiwa wenko nave ntaponno nineeroromolliwa ntapo na Mulloko Wakhoto wa Gogi.

Ezekiele 35:10

“Mwaallota wi ‘Mitundu miilli dda athu, Yuda ni Israele, ddineerokhalla ddaahu vamodda ni ellapo ddiwa ddene.’ Mwaaneera ddiiddo naari mi Apwiya kaari ni alliwa mwemmo.

Yeremiya 25:31

Otokollolla wuullupalli oneerewiiweya va ellapo ettheene yavatthi Apwiya voowiipani mullatu athu a mitundu ddittheddene. Alliwa eneeroweeruza athu attheene, oochimwa eneerewiiphiwa ni nsupada. Mi Apwiya koollota.’ ”

Yawuupullulla 20:8

Nave aneerokhuma wi aalleke athu attheene a va ellapo yavatthi, yaalla sika Gogi ni Magogi. Satana aneerewaatthukumaniha vamodda wi ewane ekhoto, waata wiwa wonanko mihava dda mukhwipi mwa enyanja.

Yawuupullulla 16:14

Ddenndda sika minepa ddoonanara ddineera ddoottikhiniha. Minepa ddirarunndda ddinnakhuma ddiya wa mamwene attheene a va ellapo yavatthi, yaatthukumaniha vamodda wi ewane ekhoto ni Mulluku Amasiva Mattheene va nllapo naye nuullupalli.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Amosi 1:11

Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.

Ezekiele 36:5

Mi Apwiya Mulluku kookhalla killotaka kishille murima owiipa mullatu athu a mitundu ddimodda ddittheddene monga Edomu. Alliwa moohakallalla wunchichi navettho moovevulla yahaakha ellapo ettheene eyitthattusa yayiwa, ekusa ni mapuro oochihella enameene.’

Ezekiele 25:8

“Mi Apwiya Mulluku kinallota wi, ‘Ekaamba yawi Mowabu aallota wi Yuda ari wonanko athu a mitundu ddittheddene,

Yeremiya 49:1

Apwiya enallota dda Amoni wi, “Ethiyo a Israele khenna anamwani aallopwana? Ethiyo khenna awaakhella yoohallana? Kaambiiwa tini vano athu oomullapella Milikomu yaakhilliiwa ellapo ya Gadi nave enakhalla m'mizindani ddaye?

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

2 Epilli 20:26

Nllapo naneesese, yaatthukumana va ntapo na Beraka nave wenko yahaatitimiha Apwiya. Sika ekaambiiwa nipuronno ninaromolliwa wi Beraka ophiyera ollello.

Yawuupullulla 11:18

Athu oohimullapella Mulluku yaasha murima, koma enthawaanyu yoosha murima yoophiya, enthawi yawi ookhwa yeeruziwe. Enthawi yowaathuva oorumeyella, anamallotellaanyu yoophiya, nave athwaanyu attheene, ayo enawoovani, uullupalli ni ang'onong'onweene. Enthawi yoophiya yoowoononga ayo enoononga ellapo!”

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Ezekiele 34:6

Enkhosa ddaka ddaapallalleya ddineeteeta omiyaangoni ni o asimiyaango oorekama. Ddaapallalleyella mwiillaponi ddittheddene oohikhallavo mmodda ooddithwara apaalle oddaashaasha.’

Ezekiele 36:1

Apwiya yaallota wi, “We mwaana a muthu, ollotelle miyaango dda o Israele, oddilleelle wi, ‘Nyu miyaango dda o Israele apellani maaru mawu a Apwiya Mulluku.’

Yowele 3:14

Athu ooheerengeya eri mu ntapo na Echiweruzo, nllapo na Apwiya nohaatamellawo.

Mika 4:12

Koma athwaayo khanaadduwella maganizo a Apwiya navettho kheniiwesesa nnddo enakhozekelliiwa. Khenadduwella wi alliwa aawuukellella wonanko mitolo dda tirigu va nipuro nawuuputhellavo.