Yowele 3:18 - Mawu a Mulluku

¹⁸ “Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Yowele 3:18 ပူးပေါင်းရင်းမြစ်များ

Zekariya 14:8

Nllapo nenno maaddi ookumi eneerokhuma ovenyera o Yerusalemu. Hafu a maaddaayo eniithellelleke mu enyanja ya wookhuma nndduwa, hafu mmodda mu enyanja ya woovollowa nndduwa. Ddenndda ddineereyeke va enthawi yeellimwe navettho yooriirya.

Yesaya 35:6

Oorakalla eneerollupha wonanko mphoyo, oohillota eneerewiipa moohakallalla. Aneetuutu eneerotuuwa muchipululuni, mihinje ddineereweeta mu ellapo yawumma.

Yesaya 30:25

Va nllapo nno mattattha akhoto a adanaanyu enoonongiwiiwa nave athwiiwa yiiphiwa va orive mwaango muullupalli ni mwanamwaango woorekama vineereweeta mihinje dda maaddi.

Numeri 25:1

Aisraele eri o Shitimu, allopwana yahaamba oraruwa ni atthiyana a o Mowabu.

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Yobu 29:6

enthawi eyo kawuhapeemi mukaka, mihinje dda makhura ddakhumiiwa m'mallukuni.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yesaya 45:8

We murapo, murupihe murimu ovenyera oddullu, mirapo ddiithe echilungamo. Ellapo yavatthi ehulleye wi vikhume ovullusa, wi vimelle echilungamo. Mi Apwiya sika kinaphatusa ddenndda.”

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Yesaya 66:11

Muneerewaamwa ni ovona ni mapelle a ddookhurumusa murima ddaye, muneerowamulla mukaka ni ohakallalla ni waata wa oriiheya waye.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.