Yowele 3:16 - Mawu a Mulluku

¹⁶ Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Yowele 3:16 ပူးပေါင်းရင်းမြစ်များ

Amosi 1:2

Amosi aallota wi, “Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu. Munyepu onimanyaalla, manasi a vamwaangoni wa Karimele enimumma.”

Hagai 2:6

“Nnddo kinallota mi Apwiya Amasiva Mattheene tti ddawi, vavira enthawi vang'ono, kineerotikha oddullu ni ellapo yavatthi, enyanja ni mitunda.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yesaya 42:13

Apwiya enaya okhotoni wonanko amasiva, ennanyanyulla owalliiwa wonanko muthu akhoto Ennakhuwa, ennakhuwa mwakhoto, ennooniha masiviiwa vawaakhwaranyani adaniiwa.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Ezekiele 38:19

Ekaamba ya osha murima ni owallaaka wookhara oneerokhalla echivomerezi yuullupalli mwiillaponi ettheene ya Israele.

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

Masalimo 61:3

Nyuwaano sika woothawella waka, nttattha noollipa nookiteteza wa adani.

Yawuupullulla 16:18

Waakhalla ettari, onyakulla ni ogugudeya wa murimu navettho echivomerezi yawoopiha. Waambeella ephatusello ya athu a va ellapo yavatthi khavineereyeke echivomerezi yawi ddiiddo, ella yaari echivomerezi yawoopihesesa ohiyana ni erive echivomerezi!

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Yesaya 33:16

Muthu awi ddiidda aneerokhalla va nipuro nooteteziwa nave woothawella waye onaakhalle o mipanda ddamalluku. Aneerekovahiwa yoocha nave kharamiwaka maaddi.

Masalimo 29:11

Apwiya ennaavaha masiva athwiiwa, ennaadalisa ni murendelle.

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Aheberi 12:26

Mulluku allotilleeye vawaamba mawaaye yaatikha ellapo yavatthi ettheene koma vano aalonjeza wi aneerotikha wiilli ellapo yavatthi ni yooddullwiine.

Zekariya 10:12

Kineerewaallipiha athwaaka, eneereweeta moollapella mu nnddina naka, mi Apwiya koollota.”

Amosi 3:8

Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.

Yesaya 33:21

Wenko Apwiya mwa ntitimiho niwa enaakhalle wonanko nipuro na mihinje ni asimihinje. Nave ekallawa ddakhoto khaddiwa ddiphiyawo naari ekallawa dduullupalli khaddiwa ddiphiyawo.

Yeremiya 17:17

Muhikoopopihe vawi nyu sika muri voothawellavo vaka va nllapo na otulli.

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

Hagai 2:7

Kineerotikha mitundu ddittheddene dda athu nave eyuumiiwa ettheene eneeroowa wuno sika enyumba yeella kineeroyiddalliha ni eyuuma yinchichi. Mi Apwiya Amasiva Mattheene koollota.

Zekariya 9:12

Nyu akaporo eetiyerello, hokollowani, hokollweellani o mpandaanyu woollipa. Kinasimikiza ollello wuuhokollosellani ddaphaama ddinchichi va nnddo mwaakhiweenyu.