Yowele 2:32 - Mawu a Mulluku

³² Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Yowele 2:32 ပူးပေါင်းရင်းမြစ်များ

Aroma 11:26

Sika vano Aisraele attheene eneerovulluwa moollikana ni mmo mawu a Mulluku enallotiiwa wi, “Oovullusa anaavenyere o Ziyoni nave aneerohuwa machimo a edduullu dda Yakobo.

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Aroma 9:27

Nave Yesaya aanakhuwa dda Israele wi, “Naari athu a o Israele tti anchichi wonanko mihava dda onyanja nave oohalla ooyevave sika enaavullusiwe,

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yohane 10:16

Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla mulloko mmodda ni ddimoddannddo ni mbusa mmodda.

Yohane 4:22

Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Yesaya 11:16

Nave vineerokhalla musewu muullupalli wawi oohalla o Asiriya yeetemo wonanko Aisraele yavenyeriiwa o Iguputo.

Yesaya 10:22

We Israele naari athwaawo yaate wonanko mihava dda onyanja, oohalla ooyeva sika enaahokollowe. Woonongeya woosimikizelliwa, echilungamwiiwa eneerosefukella.

Yesaya 4:2

Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Aroma 11:7

Vano kaambiiwa tini Aisraele yahiphwanyilliiwa nnddo yaashiiwa? Athu vang'ono ootthoolliwa sika yaphwaanyille koma amoddaayo yahummiha murima,

Aroma 9:24

Vawi hiyaano tti athu ayo aawiithanneeye, ohiri ovenyera variyari va Ayudave navettho ovenyera variyari va athu ayo ehiri Ayuda.

Mitteko 15:17

Vano athu amodda attheene yahanllaayo eneeroowa wa miyaano, athu attheene ayo ehiri Ayuda, ayo kaawiithanilleemi wi ekhalle aaka.

Obadiya 1:21

Athu oopambana a mwaango wa Ziyoni eneerogonjiha ni olamulella mwaango wa Esau nave eneeromulamulella, Apwiya aneena eneerokhalla mwene.”

Aroma 11:5

Sika emoddamoddave yeeyo, muttano Mulluku ohaavaha echisomo Aisraele amodda ayo iitthoollelleeye wi ekhalle oomuthwarellellaaye.

Genesis 4:26

Seti aamuyara Enoshi. Enthawi yeeyo athu Yahaambeella waallapella Apwiya.

Amosi 9:8

Mi Apwiya Mulluku, miitthwaaka eri va omwene woochimooyo nave kineerowoononga owuvenyiha va ellapo yavatthi koma ngitthollosa nibanja na Yakobo. Mi Apwiya koollota.”