Yowele 2:28 - Mawu a Mulluku

²⁸ “Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Yowele 2:28 ပူးပေါင်းရင်းမြစ်များ

Ezekiele 39:29

Ngiwa kaareya etulli vawi kineerohella munepaaka wa Aisraele. Mi Apwiya Mulluku koollota.”

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Yesaya 32:15

Koma Apwiya eneeronirumihella munepiiwa ovenyera oddullu nave echipululu eneerotthattuwa ellapo ya ethaya yaphaama, emata ddittheddene ddineerewimma ddeko ddinchichi.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Miyambo 1:23

Apellani maaru kaawuuhumullullakani vawi kinapaalla wuulleellani ddiri m'murimani mwaka nave mudduwelle maganizwaaka.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Luka 3:6

Athu attheene eneerewoona ovullusa wa Mulluku.’ ”

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Yesaya 40:5

Vano ntitimiho na Apwiya nineerewooneya, athu attheene eneerewoona, vawi Apwiya sika ellotille ddenndda ni eyanwiiwa.”

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Mitteko 21:9

Olliyoolla aakhalla ni anaaye aatthiyana asese oohitthelliwa ayo yaari anamallotella.

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Luka 1:67

Nave Zakariya, attiitthinnya a Yohane, yaaddalliwa ni Munepa Waweella nave yaallotella wi;

Aheberi 1:1

Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

Numeri 11:17

Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

1 Samuele 19:20

ahaarumiha athu wi yamuphare Davide eweena. Athwaayo yahoona mulloko wa anamallotella ellotellaka, Samuele aahoollellaka. Munepa a Mulluku ahaakitthella nave alliwa yahaamba ollotellattho.

1 Samuele 28:6

Sika ahaaveka Apwiya yawi eere koma kheyaamwaakhullalle naari oweella muullohani, mwa allupa mukutho apaalle mwa anamallotella.

Yesaya 49:26

Kineerewaawatihera awuuhoosani wi eche muhehiiwa eneerolezela ni nikhame niwa wonanko ni vinyo anaanweene. Sika athu attheene eneerodduwella wi Mi tti Apwiya, Oovullusaanyu, Oowoopollaanyu, Amasiva a Yakobo.”

Yeremiya 23:25

Kohiiwa ddoollota dda anamallotella mmo enallotelliiwa ddawoottha mu nnddina naka enakhuwa wi, ‘Koolloha, koolloha!’

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

Ezekiele 37:14

Vano kineerohiya munepaaka mwa nyuwaano nave muneerokhallattho ni okumi. Vatulli viwa kineerewuukeraatthihani mwiillaponi mwanyu. Sika muneerodduwella wi mi Apwiya koollota nave koheera. Mi Apwiya koollota.’ ”

Daniele 7:1

Muyakha wawaamba wa Belishazara a o Babiloni, Daniele akonaatthille vabedini vaye aalloha, ahoona masomphenya. Sika aalemba ddoollohannddo, additthopoollella mwawiiweya phaama allota wi,

1 Samuele 19:21

Saulo iiwalle ddenndda ahaaruma amodda nave alliwattho yahaamba ollotella. Ahaarumattho amodda waneeraru naalliwanittho yahaamba ollotella.