Yowele 2:26 - Mawu a Mulluku

²⁶ Muneerocha ddinchichi ni ovona, muneerotitimiha nnddina na Apwiya Mullukwaanyu eweerelleni ddoottikhiniha. Athwaaka khewa enyaambusiwattho.

Yowele 2:26 ပူးပေါင်းရင်းမြစ်များ

Aroma 10:11

Mawu a Mulluku eni, “Oyo anamuroromella olliyooyo khawa awullihiwa muru.”

Masalimo 22:26

Oohoosiwa eneerocha ni ovona, oowaashaasha Apwiya eneerewaatitimiha. Mukhalle ni okumi woorekama.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Deuteronomo 12:7

Wenkottho nyuwaano ni mabanjaanyu muneerocha ni ohakallalla vamiitthoni va Apwiya Mullukwaanyu ekaamba ya madaliso ayo yuuvahilleewani wi mitteko ddanyu ddittheddene ddeete phaama.

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Levitiko 26:5

Muneerekewuuputha ddeko ophiyera enthawi yoorukulla ezipaso nave muneerekorukulla ezipaso ophiyera enthawi yawaalla. Muneerocha yoocha ophiyera muvonille nave muneerekokhalla mwiillaponaanyu mwamurendelle.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

Aroma 9:33

nno mawu a Mulluku enallota dda nenno wi, “Kinnakeraatthiha nlluku mu Ziyoni nno ninaakwakwatuwihe athu, nlluku nno ninaakuhe. Koma oyo anamuroromella olliye khawa awullihiwa muru.”

Yesaya 54:4

Ohoove kaambiiwa khewa yuunyaambusattho, ohitathille murima vawi khewa yuuvevullattho. Oneerotiwalla nnddo dduuwulliha muru va esombwaawo, owulliwa muru wa onaamukhwellaawo khowuupuwellattho.

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Zefaniya 3:11

Nyu athu a o Yerusalemu, nllapo nenno khamuwa muwulliwattho muru, ekaamba ya ddoonanara ddittheddene mwakiwukilalleenyu. Vawi enthawi yeeyo kineerewuuvenyihellani, attheene awiitukhulla ni awiinyarulla. Khamuwa mweerattho ddawiitukhulla ddanyu, va mwaangwaaka waweella.

Yesaya 29:22

Sika vano Apwiya ayo yamooponlle Abrahamu enallota dda athu a Yakobo wi, “Alliwa khevevulliwattho nave ekhove ddiwa kheddimorattho ni owulliwa muru.

Genesis 33:11

Kinimuuvekani wi mwaakhelle emphaso kuukusellemineella. Mulluku aakeerella echifundo nave aakivaha ddoopaalleya ddaka ddittheddene.” Yakobo aavirellella omuwatihera, ophiyera Esau ahaakhella.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Miyambo 13:25

Oolungama annacha anavona koma erukullu ya oochimwa eneerovolliwa.

Masalimo 116:7

We murimaaka, hokollweella onipuroni nawo nawiithuuwellawo, kaambiiwa Apwiya aaweerella ddaphaama.

Masalimo 103:5

Tti alliwa enuuvoniha ni ddaphaama enthawi ettheene ya okumaawo, sika onnakhalla ni masiva anaanweene wonanko mpungu.

Masalimo 72:18

Etitimiheye Apwiya Mulluku a Israele, ayo aneera ddeko ddoottikhiniha.

Masalimo 37:19

Va enthawi ya ddookatamiha khewulliwa muru, va enthawi ya ettalla eneerekovona.

Masalimo 13:6

Kineerowiipellani Apwiya vawi mookeerella ddaphaama.

Nehemiya 9:25

Nave yaagonjiha mizinda dduullupalli, yahaakha ellapo ya ethaya yaphaama, enyumba ddooddalla ni ddeko ddittheddene ddaphaama, ehime ddookatakata, emata ddampesa, dda olivi ni dda ezipaso ddimodda. Sika yaanacha, yaanavona mwawi yaananeneva nave yaanahakallalla ekaamba ya ddaphaama ddanyu dduullupalli.

Deuteronomo 12:18

Nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ookhalla m'mizi ddanyu, mwacheke ddoovelleella ddittheddenenndda vamiitthoni va Apwiya Mullukwaanyu va nipuro nimodda nno Apwiya Mullukwaanyu enaatthoolliiwa. Wenkottho mwahakallalleke vamiitthoni va Apwiya Mullukwaanyu ekaamba ya mitteko ddanyu ddittheddene.

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Deuteronomo 8:10

Muneerokhalla ni yoocha yookwakhwana nave muneerovona, sika vano muneerewaatitimiha Apwiya ekaamba yawi ahuuvahani ellapo yaphaama.”

Levitiko 26:26

Kineeromuyeviha buledaanyu a nllapo ni nllapo ophiyera atthiyana khumi eneerekomwaapeya buledi mu ufuni mmodda. Nave eneerewuukawellani buledooyo vang'ono vang'ono. Sika muneerekoocha koma woohivona.

Mika 6:14

Muneerekoocha koma khamuvonaka, ettalla kheyuumallellakani. Muneerekosunga ddeko koma khaddisungeyaka. Nnddo munaasungeenyu ddineerewoonongiwa ni ekhoto.

Deuteronomo 11:15

Eneerekomelliha manasi awi eng'ombe ddanyu ddicheke navettho nyuwaano muneerekokhalla ni yoocha nave muneerekovona.

Masalimo 67:5

Nyu Mulluku, mitundu dda athu dduutitimiheni, athu attheene yuuthokozeni.

Levitiko 25:19

Ethaya eneerewimma ezipaso ddiwa, muneeroddicha ophiyera ovona nave muneerokhalla mwiillaponimmo mwamurendelle.