Yowele 2:24 - Mawu a Mulluku

²⁴ M'mapuroni moomuuputhellamo tirigu muneeroddalla, moovotellamo mpesa muneerosefukella vinyo ni makhura a olivi.

Yowele 2:24 ပူးပေါင်းရင်းမြစ်များ

Malaki 3:10

Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.

Amosi 9:13

Apwiya enallota wi, “Enthawi enimawa mvo oohata anaahateeye mwawaakuva awaalla ahinamallihe waalla, oovota mpesa aneerovota mwawaakuva oomidda ahinamallihe omidda mmiddo. M'miyaangoni muneerondonya vinyo ooddiva, aneerekemeetellella va asimiyaango attheene.”

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Yowele 3:13

Kusani echikwakwa vawi ohata wohaatamella, Waawoni muwuvote mpesa, vawi moovotellamo mpesa mooddalla. Mino ddinimasefukella, ddawoona machimo a athu ahaata.”

Levitiko 26:10

Muneerekoocha ddookonella nave muneerekovenyihamo ddookonellannddo wi vikhalle mapuro oohiyamo ddishannddo.

Levitiko 25:19

Ethaya eneerewimma ezipaso ddiwa, muneeroddicha ophiyera ovona nave muneerokhalla mwiillaponimmo mwamurendelle.

Ezekiele 36:8

Koma nyuwaano miyaango dda o Israele, muneerophuwattho enthambi nave athwaaka Aisraele muneerowimmihella ezipaso vawi eri vakhuviru ohokollweella owaniwa.