Yowele 2:23 - Mawu a Mulluku

²³ Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Yowele 2:23 ပူးပေါင်းရင်းမြစ်များ

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!

Levitiko 26:4

kineerewuuvahani murimu mu enthawiiwa wi muneerohata ddawaata nave miteekho ddineerewimma ezipaso.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Deuteronomo 11:14

Nave alliwa sika enaamurupiheke murimu mwiillaponi mwanyu enthawi yaphaama monga murimu awaamba ni murimu oomallihella wi mukhalleke ni tirigwaanyu, vinywaanyu navettho makhuraanyu.

Yesaya 41:16

Oneerewaaveettha ni waavaviha ni ephevo, eneeromwareya ni namondwe. Koma weyaano oneerohakallalla ekaamba yawi miyaano tti Mullukwaawo. Oneerophwanya ntitimiho ekaamba ya miyaano Aweella a Israele.

Masalimo 149:2

Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Afilipi 3:1

Asinnaka ni arokoraka, voovirellellani hakallallani mu eyaattanwaanyu mwa Apwiya. Nginoonavo yookatamiha wuulembellanittho wiilli nnddo kalembilleemi khalle wi dduuddivelleni.

Zekariya 10:1

Avekeni Apwiya wi yuuvaheni murimu mu enthawi yawaalla vawi alliwa sika enapanga mirapo. Alliwa sika enamurupiha murimu ni omumellihella mmiddo m'matani arive muthu.

Masalimo 28:7

Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.

Deuteronomo 32:2

Ddoohuddiha ddaka ddimore wonanko murimu, mawaaka yimme wonanko nikame, wonanko murimu oorupella vamunyepuni, wonanko enyeenye va ddoophuwa.

Deuteronomo 28:12

Va enthawiine, eneerewuurumihellani murimu ovenyera oddullu nko enamusungiiwa nave eneerodalisa mitteko ddanyu ddittheddene. Muneerokongoliha mitundu ddimodda ddinchichi koma nyuwaano khamuwa mukongola o orive mutundu.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Zekariya 10:7

Aefuremu enaakhalle wonanko akhoto amasiva, eneerohakallalla wonanko athu oomuvona vinyo. Aniiwa eneeroddoona ddenndda, eneerohakallallattho m'murimani mwiwa muneeroddalla othapella, ekaamba ya nnddo yeerille Apwiya.”

Yeremiya 5:24

Khamunaganizereke ddookoova miyaano Mullukwaanyu oyo anuuvahani murimu a ntthokollapallaka ni murimu awaallella va enthawi yaphaama ni enthawi yoohata orive muyakha.

Masalimo 104:34

Mavekellwaaka yaaddivelle Apwiya vawi kinnahakallalla mwa alliwa.

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Miyambo 16:15

Oreera murima wa mwene onnawiiha okumi wonanko mirapo dda murimu mu ellimwe.

Masalimo 32:11

Nyu athu oolungama, hakallallani ni othapella mwa Apwiya, nyu athu ooreera murima, khuwani moohakallalla.”

Yobu 33:23

Vaamodda ttuukhallavo mungelo, ookhalla variyari, mmodda a angelo ooheerengeya, awooniha wi muthu tti oolungama.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Amosi 4:7

Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.

Maliro 4:2

Ngoonani, anamwani a Ziyoni ayo khalle yaari wonanko golide aphaama, koma vano eneesiwa epalli.

Zekariya 9:13

Kineeromukunga Yuda wonanko muura wa akhoto, Efuremu sika anaakhalle mpaambiiwa. We Ziyoni, kineerewaakusa anaawo, wi ellipane ni anaawo, we Grisi, wonanko nsupada na akhoto amasiva.”

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Masalimo 84:6

Yaallapuwaka ntapo na Baka noohikhalla ni maaddi, ennanitthattusa nipuro na aneetuutu, murimu a ntthokollapallaka annaniddalliha ni mathiya.

1 Mamwene 8:36

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Yobu 37:13

Annavumiha murimu wi ahellelle ellapo wi anillake hiyaano apaalle wi anoonihelle echikondaaye.

Masalimo 147:8

ayo enahuruwella eddullu ni mirapo, enarupihella ethaya murimu, enamelliha manasi vamwaangoni,

Ezekiele 34:26

Kineerewaakeraatthiha athwaaka vakhuviru ni mwaangwaaka nave kineerewaadalisa vawaamorihellani murimu va enthawi yaphaama.