Yowele 2:22 - Mawu a Mulluku

²² Nyu enama ddamuhakani, muhoove vawi munyepu wa mu echipululu onimaphuwa, miteekho ddinimiima ezipaso, namukuyu ni mpesa ddinimiima wunchichi.

Yowele 2:22 ပူးပေါင်းရင်းမြစ်များ

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Masalimo 65:12

Naari mapuro oochiha enama a muchipululuni, onnamella munyepu munchichi, miyaango ddinnaddallihiwa ni ohakallalla.

Yesaya 51:3

Mi Apwiya kineeromukhurumusa murima Ziyoni, oyo enakhalla mu matepaaye. Naari ellapwaaye eri echipululu, kineeroyitthattusa wonanko Edeni. Naari ellapwaaye eri nihaka, kineeroyitthattusa wonanko emata ya Apwiya. Wenko athu eneerohakallalla ni ottaphuwa, eneerewiipa machipo ookititimiha ni ookitthamalla.

Masalimo 67:6

Ethaya yahimma ezipaso ddiwa, Mulluku, Mullukwaahu oonidalisa!

1 Akorinto 3:7

Oomidda naari oohellella maaddi tti oohipaalleya. Tti Mulluku ari oopaalleya kaambiiwa anneeriha ddoomellannddo wi ddunnuwe.

Hagai 2:16

Muthu oyo atiyerella ophwanya ddoolingella dda tirigu makhumi meelli aphwanyathi nikhumi nimodda. Yawa wi erike ddoolingella 50 mu muno wa vinyo, yaphwanyamo ddoolingella 20.

Yona 4:11

Nave ethiyo miyaano, nginaphwanella owumoriwella ethakaraka muzinda muullupalli olla wa Nineve? Mu Nineve mookhalla athu ookhwaranya 120,000 ayo enakhalla wonanko anamwani oohiwora ohiyaniha variyari va yaphaama ni yoonanara, mookhallattho eziweto ddinchichi.”

Ezekiele 36:35

Eneerekollota wi ‘Ethaya elle yatthattuwalle ntthalleelle vano yootthattuwa emata wonanko ya Edeni. Vano munnakhalla athu m'mizindani nndde khalle ddaari matepe oohiyiwa ni awoonongeya. Navettho mizindannddo vano ddookhalla ni mipanda ddoollipa.

Ezekiele 36:30

Kineerewimmiha miteekho ezipaso ddinchichi nave ethaya eneerokhumiha ddoohata ddinchichi sika wi khamuwa muvevuwattho ekaamba ya ettalla variyari va mitundu ddimodda

Ezekiele 36:8

Koma nyuwaano miyaango dda o Israele, muneerophuwattho enthambi nave athwaaka Aisraele muneerowimmihella ezipaso vawi eri vakhuviru ohokollweella owaniwa.

Masalimo 36:6

Echilungamwaanyu tti wonanko miyaango ddoorekama, echiweruzwaanyu tti wonanko enyanja yoowallamella, nyu Apwiya, munnaapwatha athu ni enama ddene.

Genesis 4:12

Weesa ollima mmiddo, ethayeeyo kheyimmihaka nave onaakhalle muthu aweeteeta va ellapo yavatthi, aweeteeta shisha nave oohikeraattheya nipuro nimodda.”

Masalimo 65:13

Matapo aaddalla ni eziweto ni ddoohata, ddittheddene ddinnakhuwa ni wiipa moohakallalla.