Yowele 2:21 - Mawu a Mulluku

²¹ “We ellapo, ohoove, thapella nave hakallalla vawi Apwiya aaweerella dduullupalli.

Yowele 2:21 ပူးပေါင်းရင်းမြစ်များ

Yesaya 54:4

Ohoove kaambiiwa khewa yuunyaambusattho, ohitathille murima vawi khewa yuuvevullattho. Oneerotiwalla nnddo dduuwulliha muru va esombwaawo, owulliwa muru wa onaamukhwellaawo khowuupuwellattho.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Yesaya 35:1

Echipululu eneerohakallalla, ellapo yooguga eneerothapella, ellapo yawumma eneerottaphulla malluwa.

1 Samuele 12:16

Vano mwiimelle vaavo moone ello yuullupalli eyo Apwiya enapaalliiwa weera.

Zekariya 8:15

Koma vano koosintha maganizo koosimikiza wi kimweerelle ddaphaama Yerusalemu ni nibanja na Yuda. Sika muhoove!

Yowele 2:20

Kineeromwiikara oovenyera ompoto wi yuurekamelleni, kineeromwiikarella o ellapo yawumma ni yoohikhalla ni athu. Amuhoollo kinaawiikarelle onyanjani ya wookhuma nndduwa, amutulli kinaawiikarelle onyanjani ya woovollowa nndduwa. Vano eneerewuunta nave eneerewunkha, kineerowoononga ekaamba ya ddittheddene eweerelleewani.”

1 Samuele 12:24

Muwooveke Apwiya nave mwaarumeyelleke mookhulupilileya ni murimaanyu muttheene. Enthawi ddittheddene muupuwelleke ddeko dduullupalli nnddo eweerelleewani.

Deuteronomo 4:32

“Ngakohani dda mallapo akhalle nyuwaano muhinayariwe waambeella nllapo nne Mulluku amuphatusalleeye muthu va ellapo yavatthi. Nave ngaashaashani va ellapo yavatthi ettheene vaarimi viri ello yuullupalli wonanko yeella yeereyillekevo va ellapo yavatthi apaalle aarimi arivo muthu oyo aambilleke wiiwa ddenndda.

Masalimo 98:8

Mihinje ddoope matta, miyaango ddikhuwe vamodda moohakallalla

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Hoseya 2:21

Apwiya enallota wi, “Nllapo nenno kineerewaakhulla oddullu.” “Nave oddullu oneerewaakhulla ellapo yavatthi.

Yesaya 44:23

Nyu ddamuddullu, ipani moohakallalla vawi Apwiya aaphara mutteko. Nyu mapuro oowallamella a ellapo yavatthi, khuwani! Nyu miyaango, ambeellani machipo! We otthako ni miteekho ddawo ddittheddene. Ipani kaambiiwa Apwiya aamoopolla Yakobo, yohooniha ntitimiho niwa mwa Israele.

Yesaya 55:12

Nyu athwaaka, Muneerovenyawo o Babiloni moohakallalla, eneerewuukhumihani m'muzindanimmo mwamurendelle. Miyaango ni asimiyaango ddineerowiipellani nchipo, miteekho ddamuhakani ddittheddene ddineerowoopellani m'mattani.

Masalimo 71:19

Echilungamwaanyu ennaphiya oddullu, nyu Mulluku, moheera dduullupalli, ttaani anaaphwanaphwane ni nyuwaano

Yowele 2:26

Muneerocha ddinchichi ni ovona, muneerotitimiha nnddina na Apwiya Mullukwaanyu eweerelleni ddoottikhiniha. Athwaaka khewa enyaambusiwattho.