Yowele 2:20 - Mawu a Mulluku

²⁰ Kineeromwiikara oovenyera ompoto wi yuurekamelleni, kineeromwiikarella o ellapo yawumma ni yoohikhalla ni athu. Amuhoollo kinaawiikarelle onyanjani ya wookhuma nndduwa, amutulli kinaawiikarelle onyanjani ya woovollowa nndduwa. Vano eneerewuunta nave eneerewunkha, kineerowoononga ekaamba ya ddittheddene eweerelleewani.”

Yowele 2:20 ပူးပေါင်းရင်းမြစ်များ

Zekariya 14:8

Nllapo nenno maaddi ookumi eneerokhuma ovenyera o Yerusalemu. Hafu a maaddaayo eniithellelleke mu enyanja ya wookhuma nndduwa, hafu mmodda mu enyanja ya woovollowa nndduwa. Ddenndda ddineereyeke va enthawi yeellimwe navettho yooriirya.

Amosi 4:10

“Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”

Yesaya 34:3

Mitembo dda awiiphiwa enaadditathillelle otte nave ddineerewunta ni wunkha navettho miyaango ddineerofiira ni nikhame.

Deuteronomo 11:24

Virive veko vinaanyingalle nnyallo nanyu vinaakhalle vaanyu. Ellapwaanyu enaambeelle o echipululu omwera, ophiya o mwaango wa Lebanoni ompoto navettho waambeella o muhinje wa Yufurate wookhuma nndduwa, ophiya o Enyanja Yuullupalli woovollowa nndduwa.

Ezekiele 47:18

Malire a wookhuma nndduwa eweelle omwera ovenyera o Hazarenani variyari va Haurani ni Damasiko, othwara muhinje wa Yordani variyari va Giliyadi ni ellapo ya Israele oweha o enyanja ya wookhuma nndduwa ophiya o Tamara. Yeella enaakhalle embali ya wookhuma nndduwa.

Eksodo 10:19

Apwiya yaatthattusa ephevweeyo ekhalla ephevo yawoopiha yoovenyera woovollowa nndduwa nave yaamuthamakihella nazombooyo o Enyanja Yoofiira. O Iguputo wulle khewaahallillettho naari nazombe mmodda.

2 Mamwene 8:13

Vaavo Hazaele aakoha wi, “Ethiyo mi oorumeyellaanyu, oovevulliwa wonanko mwanapwa, ttuuwora mwawiidde weera ddeko dduullupalli wonanko ddenndda?” Elisha ahaakhulla wi, “Apwiya aakooniha wi we oneerokhalla mwene a Asiriya.”

Eksodo 8:14

Aiguputwaalle yaawuukella anaphullwaalle mapuromapuro nave ellapo ettheene yaaddalla ni wunkha wa anaphullu awunta.

Masalimo 126:3

Ddawoona, Apwiya yaaneerella dduullupalli nave naahakallalla.

Malaki 3:11

Ngaakhullella wi middope ddoononge ddam'matani mwanyu nave mipesa ddanyu khaddihiya wimma ezipaso. Kinallota tti mi Apwiya Amasiva Mattheene.