Yowele 2:2 - Mawu a Mulluku

² Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Yowele 2:2 ပူးပေါင်းရင်းမြစ်များ

Yowele 1:6

Mullilli muullupalli wa nazombe wooddalla mwiillaponi mwaka, wamasiva navettho wooheerengeya. Miinwiiwa tti a mukango waamullopwana, etwaatwara ddiwa tti dda mukango waamutthiyana.

Yowele 2:5

Annaruma wonanko magareta voowellani miyaango, anniiweya wonanko manasi awumma vamunlloni ennatthattana wonanko akhoto amasiva enakhozekella ekhoto.

Yowele 2:25

Kineerewuuhokollosellani mmiddo ddanyu ddittheddene nnddo ddaachiwe ni nazombe a mitundu ddittheddene miyakha ddenndde. Ollathi sika mulloko wakhoto oyo kawurumihalleemi wi owoonongeni.

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Yesaya 8:22

Koma voowehani ellapo, enoone ddoohoosave ni epiphi yawoopiha ni yookhupanyiha nave eneerovokhelliwa mu epiphi yawoopiha.

Yesaya 5:30

Nllapo nenno eneerothuruma wonanko enyanja. Nave mmodda voowehani ellapweeyo anoone epiphive ni ddookatamiha vawi naari owala oneerotthattuwa epiphi ekaamba ya mirapo.

Yuda 1:13

Ddaweera ddiwa ddoowulliha muru ddinooneya wonanko niphoru na mafunde awoopiha a va enyanja. Tti wonanko etheneeri ddaweeteeta nave Mulluku ohaasungella nipuro na epiphi yooripa yoohimalla.

Aheberi 12:18

Nyuwaano khamuri wonanko Aisraele ayo yaphiyalle va ello eyo yawoonriiwa ottannya, mwaango wa Sinai, olle wakhara munllo nave waari wa epiphi yinchichi ni wa ephevo yuullupalli.

Mariko 13:19

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera mvo Mulluku aphatusalleeye ellapo ophiyera ollello nave khaddiwa ddeereyattho ddoophwanaphwana ni ddenndda.

Amosi 4:13

Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Daniele 9:12

Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Masalimo 97:2

Mirapo ni epiphi yuullupalli ddoowaapheella Apwiya, echilungamo ni echiweruzo sika ddikeraatthihalle omweniiwa.

Masalimo 10:6

M'murimani mwaye anallota wi, “Ngiwa kitikheya, ngiwa koona yookatamiha.”

Deuteronomo 32:7

“Upuwellani mallapo akhalle, ganizerani dda miyakha ddivirallennddo, akoheni attiitthaanyu, eneerewuulleellani, attekweenaanyu eneerewuutthopoollellani.

Eksodo 20:21

Koma athu yahiimella voorekamella, Moseve sika aatamelle murapo wooripa mmo mwaari Mulluku.

Eksodo 10:14

Aaddalla va ellapo ettheene ya Iguputo. Waata wa nazombooyo waari wawi khawunooneyekettho waambeella khalle nave khawiwa wooneyakattho.

Eksodo 10:6

Nave enyumba ddawo, dda enduna ddawo ni dda athwaawo, ddittheddene ddineeroddalla ni nazombeve, eyo eri ello yawi naari attiitthaanyu apaalle makhollwaanyu khenaddooneke ephatuwellwiiwa.’ ” Vano Mose aavenyawo wa Farao.

Mateyu 24:21

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera va ophatuwa wa ellapo ophiyera ollello nave khaddiwa ddeereyattho ddoophwanaphwana ni ddenndda.

Yawuupullulla 9:2

Etheneereeyo yaahulla ollitininko nave mwaakhuma mwiisi wonanko woovenyera mu ufuni muullupalli. Vano mwiisi woovenyera ollitininko waatthattusa nndduwa ni oddullu okhalla epiphi.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Ezekiele 32:7

Kineerowoononga, kineerohuruwella oddullu nave kineeroripiha etheneeri. Kineerohuruwella nndduwa ni murapo nave mweeri khowa owala.

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Ezekiele 38:9

Vano weyaano ni mullokwaawo wakhoto ni mitundu ddinchichi dda athu ddiri ni weyaano, muneeroowa wonanko ephevo yawoopiha, muneerohuruwella ellapo ettheene wonanko murapo.

Yeremiya 13:6

Viviralle mallapo manchichi Apwiya yaakilleella wi, “Khawe o Yufurate wakuse ekuwo yamuyuununeelle kuulleelleemi wi wayivitthe.”

Yowele 3:4

“Ethiyo nyu athu a o Tiro, Sidoni ni a o ezigawo dda Filistiya, munapaalla mukeere tini? Ethiyo munakihokollosella ekaamba ya nnddo kiweerelleemini? Ddaarimi ddiri ddiiddo, nameenettho kineerewuuhokollosellani mwawaakuva.

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.

Zekariya 14:6

Nllapo nenno khoriirya apaalle khokhalla nakhuttu.