Yowele 2:18 - Mawu a Mulluku

¹⁸ Vano Apwiya yahaamba okondattho ellapwiiwa, enaweerella echifundo athwiiwa.

Yowele 2:18 ပူးပေါင်းရင်းမြစ်များ

Zekariya 8:2

“Mi Apwiya Amasiva Mattheene kinallota wi murimaaka muttheene ori va Ziyoni, kinnamukondesesa wunchichi nave ekaamba ya ehache owallaaka oneerewaamorella adanaaye.

Zekariya 1:14

Mungelo aakilleella wi, “Llalleya wi Apwiya Amasiva Mattheene enallota wi, ‘Maganizwaaka mattheene ni murimaaka muttheene ddiri va Yerusalemu ni Ziyoni.

Masalimo 103:13

Mmo nikhollo nineerelliiwa echifundo wa anaaye, tti mmo Apwiya eneerelliiwa wa oowoova,

Yakobo 5:11

Ninaweera oodala kaambiiwa yaavillella. Mwahiiwa dda ovillella wa Yobu navettho munnadduwella mmo eerelliweeye ni Apwiya voomallihella. Vawi Apwiya aaddalla ni ethakaraka ni oreera murima.

Maliro 3:22

Echikondi yoohisintheya ya Apwiya khewa emalla, echifundwiiwattho khenamalla.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Luka 15:20

Vano aatimulla ahokollweella wa attiitthinnya. “Aweeye voorekama ni owaniwanko attiitthinnyaayo yaari emonne khalle. Vano yammorella ethakaraka wunchichi emuthamakella nave yaamuvaha mooni voomukhupaarellani.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yesaya 60:10

Apwiya enamulleella Yerusalemu wi, “Alleto eneeromakattho mipanda ddawo, mamweniiwa eneerewuurumeyella. Kahuullaka mvo kashilleemi murima koma vano kineeroweerella echifundo.

Yesaya 42:13

Apwiya enaya okhotoni wonanko amasiva, ennanyanyulla owalliiwa wonanko muthu akhoto Ennakhuwa, ennakhuwa mwakhoto, ennooniha masiviiwa vawaakhwaranyani adaniiwa.

Masalimo 103:17

Koma echikondi yoohisintheya ya Apwiya tti yawaambeella enthawi yoohimalla wa enthawi yoohimalla, wa ayo enawoova, ennaddeerella ddoolungama edduullu ddiwa ddittheddene,

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

Deuteronomo 32:43

“Ariiheni athu a Apwiya, nyu mitundu dda athu. Apwiya ennaallaka attheene oowiipha athwiiwa, ennaahokollosella adaniiwa, ennavenyiha nichimo mwiillaponi mwa athwiiwa.”

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

Yesaya 37:32

O Yerusalemu oneerovenyera athu oohalla, o mwaango wa Ziyoni oneerovenyera mulloko wa athu oovulluwa, ddawoona, Apwiya Amasiva Mattheene eneereweera ddenndda moohiyavo murima.

2 Mamwene 19:31

O Yerusalemu oneerovenyera athu oohalla, o mwaango wa Ziyoni oneerovenyera mulloko wa athu oovulluwa, ddawoona, Apwiya Amasiva Mattheene eneereweera ddenndda moohiyavo murima.