Yowele 2:17 - Mawu a Mulluku

¹⁷ Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Yowele 2:17 ပူးပေါင်းရင်းမြစ်များ

Ezekiele 8:16

Vano aakikusella o nthato na muwari mwa enyumba ya Apwiya. Wenko, va mullako wa enyumba ya Apwiya, variyari va nikhote ni nikuwa vaakhalla allopwana 25. Yaareya etulli enyumba ya Mulluku, enaweha wookhuma nndduwa nave enallapella nndduwa.

Masalimo 115:2

Kaambiiwa tini mitundu ddimodda ddinaallotekiiwa wi “Mullukwiiwa ari wuuwi?”

Masalimo 79:10

Kaambiiwa tini athu a mitundu ddimodda enallotiiwa wi, “Ethiyo Mullukwiiwa ari wuuwi?” Mwaakhullelle wi niwooneni mwaawaahokollosellaka yoonanara, ekaamba yowaakhumiha nikhame oorumeyellaanyu.

Mateyu 23:35

Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Amosi 7:2

Koonilleemi wi nazombooyo oocha ddoomella ddittheddene dda mwiillaponimmo kaallota wi, “Nyu Apwiya Mulluku, pepaani khululukellani! Ethiyo athu a Yakobo enaallipihelle mwawiidde? Alliwa tti ooyeva wunchichi.”

Yowele 1:9

Mikutho dda ddoocha ni dda ddoowirya khaddinavelleelliwa o enyumba ya Apwiya. Allupa mukutho eniminlla, oorumeyella a Apwiya.

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

1 Mamwene 6:3

Echipinda yootte yaari yoorekama mamita masese ni hafu ni yooramballalla mamita matthanu ni masese ophwanaphwana ni oramballalla wa enyumbeeyo.

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Amosi 7:5

Vano kaallota wi, “Nyu Apwiya Mulluku, pepaani kinimuuvekani, hiyani. Ethiyo athu a Yakobo enaallipihelle mwawiidde? Alliwa tti ooyeva wunchichi.”

Ezekiele 20:9

Koma ngaaweerille ddennddo wi nnddina naka nihivevuwe variyari va mitundu ddimodda nnddo ddakhalla nimodda ni Aisraele. Vallethi kaari koonihalle masivaaka vamiitthoni va mitundunnddo vawaalleellani Aisraele wi eneerokhuma mu ellapo ya Iguputo.

Yesaya 37:20

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya.”

Masalimo 89:51

Nyu Apwiya, upuwellani wi enakivevullaayo tti adanaanyu, ennanyaambusa meetello a oozoziwaanyu virive veko anyinganlleeye.

Masalimo 89:41

Attheene oovira ennamwaakha ddeko ddaye, athu oomwaapheella ennamunyemulla.

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Masalimo 74:10

Nyu Mulluku, ethiyo adanaayo enaawuunyemullekeni ophiyera niini? Ethiyo adanaayo evevulleke nnddina nanyu ophiyera wa enthawi yoohimalla?

Masalimo 42:10

Ovevulla wa adanaaka onnakivoreya wonanko nikhwata nookhwana na m'mwiillini mwaka, yaakikohaka enthawi ettheene wi, “Mullukwaawo ari wuuwi?”

2 Epilli 8:12

Vano Solomoni aavelleella mikutho ddooshellelliha wa Apwiya vanikuwani nno amakilleeye vahoollo va enyumba

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”

Mateyu 27:43

Annamukhulupilila Mulluku, yooyothi amuvulluse vano aarimi amwaakhullellaka olliyooyo. Vawi aallota wi, ‘Miyaano kiri Mwaana a Mulluku.’ ”

Malaki 1:9

Vano nyu allupa mukutho, muvekeni Mulluku wi aneerelle echifundo. Ethiyo ni emphaso ddiri m'mattani mwanyunndda, olliye ttuuweerellani echifundo? Mi Apwiya Amasiva Mattheene koollota.”

Nehemiya 9:36

Ngoonani, hi niri akaporo ollellova mwiillaponi eyo mwaavahilleenyu makhollwaahu wi echeke ezipaso ni emphaso ddaphaama ddittheddene dda mwiillaponimmo.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

2 Epilli 7:20

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeroyitthattusa yoottheyiha ni yoonyemulliwa variyari va athu attheene.

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

Deuteronomo 28:37

Orive weko nko Apwiya enuupallalleselleniwawo, athu eneerekewuuttikhinani, eneerekewuuttheyani, eneerekewoopa mwaha mwawuunyemullani.

Numeri 25:6

Vano Muisraele mmodda aawaana onibanjani waye mutthiyana a o Midiyani, Mose ni Aisraele attheene yoonaka va enthawi eyo yunlliiwa va mullako wa musasa wamutthukumano.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.