Yowele 2:16 - Mawu a Mulluku

¹⁶ Atthukumaniheni athu, alleelleni wi yiipatule. Atthukumaniheni awuulluvalla, anamwani ni akantchewa. Mulamule wi naari ootthellana wene ekhumemo muzipindani mwiwa.

Yowele 2:16 ပူးပေါင်းရင်းမြစ်များ

2 Epilli 29:5

Sika ahaalleella wi, “Nyu Alevi, kaapelleni maaru. Muddeellihe, mweellihettho enyumba ya Apwiya Mulluku a makhollwaanyu ni ovenyihawo ddoonanara o nipuro naweella.

2 Epilli 20:13

Enthawi yeeyo athu a o Yuda yahiimella vamiitthoni va Apwiya vamodda ni awariwa, aniiwa ni ang'onong'onweene.

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.

Yowele 1:14

Alamuleni athu wi ehalle ocha, ithanihani mutthukumano woopatuleya, atthukumaniheni oohoollella ni Ayuda attheene ewe o enyumba ya Apwiya Mullukwaanyu yinllelle wa alliwa.

1 Samuele 16:5

Samuele ahaakhulla wi, “Ee, kaweella waarera. Kaweella waaheraatthella mukutho Apwiya. Muddeellihe nave niye naheraatthi mukutho.” Samuele aamupatula Yese ni anaaye aallopwana nave aamwiithana wi yavelleellena mukutho.

Eksodo 19:22

“Naari allupa mukutho ayo enaaphiye vakhuviru ni miyaano eddeellihe weekhiiwa, woova wi kinaallake.”

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

Mateyu 9:15

Yesu ahaakhulla wi, “Ethiyo ttuuworeya wi awiithaniwa o machellello a okwati yinlleke ootthellooyo ari vaavo? Wohiworeya iyaayi! Koma eneerophiya enthawi yawi ootthellooyo aneerokusiwa va yaayo nave eneerohalla ocha.

Masalimo 19:5

Nndduwanno ninnakhuma wonanko ootthella oohakallalla, wonanko oodduwella othamaka, ookhozekella mpikisano.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

2 Epilli 35:6

Vano mumwiiphe mwaanaankhosa a Paska nave muddeellihe. Mwaakavihere abalaanyu wi ddeereye moollikana ni mawu a Apwiya oweella mwa Mose.”

2 Epilli 30:19

oyo ni murimaaye muttheene, anamwaasha Mulluku, Apwiya Mulluku a makhollwaaye naari ahithwanre malamulo a weellihiwa woophwanella enyumba ya Apwiya.”

2 Epilli 30:17

Vawi va mutthukumanomvo vaakhalla athu anchichi ayo yahiddeellihalle, Alevi sika yaphwanelle omwiipha mwaanaankhosa a Paska a arive muthu oyo aheellihiwe wi musaanooyo eellihiwe vamiitthoni va Apwiya.

Yoswa 7:13

Venya, weellihe athu ollote wi ddeelliheni osiisello kaambiiwa miyaano Apwiya Mulluku a Aisraele, kineerewaalleella wi, ‘Nyu Aisraele, variyari vanyu vookhalla ddeko nndde kuulleelleemini wi ddoophwanella woonongiwa. Nyuwaano khemuwora ollipana ni adanaanyu ophiyera muvenyihallevo ddeko ddenndda.’

Eksodo 19:15

Nave Mose ahaalleella wi, “Mukhozeke omuroto vano. Nave muhinakona ni mutthiyana.”

Mateyu 21:16

Sika yaamukoha Yesu wi, “Munniiwa enallotiiwanndda?” Yesu ahaakhulla wi, “Kinniiwa. Khamweerengille mawu a Mullukwaalle awi, ‘Mohaahuddiha anamwani ni akantchewa wi yuutitimihekeni phaama.’ ”

Yoswa 8:35

Yoswa aheerenga nirive lamulo na Mose wa Aisraele attheene ayo yatthukumanne. Atthiyana ni anamwani ni alleto ayo yaari variyari viwa yaari vaavo.