Yowele 2:13 - Mawu a Mulluku

¹³ Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

Yowele 2:13 ပူးပေါင်းရင်းမြစ်များ

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 34:18

Apwiya ennakhalla vakhuviru ni athu ookukhumuwa, ennaavullusa athu ootathilla murima.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Masalimo 103:8

Apwiya tti eechifundo ni ooreera murima, oohisha murima mwawaakuva, ooddalla ni echikondi yoohisintheya.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

2 Samuele 1:11

Enthawi yeeyo Davide aaphara ddoowara ddaye aahulla. Nave athu ayo yaari ni Davide yaheera emoddamoddave yeeyo.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Masalimo 51:17

Mukutho oyo munahakallalleenyuna tti murima wawiiyeviha, murima wa ethakaraka ni woorukunuwa, nyu Mulluku khamuwuvevulla.

2 Mamwene 22:19

waalapa ni wiiyeviha vamiitthoni va mi Apwiya. Kahuulleella wi kineerollaka muzindoolla ni athu attheene a mwemmo nave wi oneerotthattuwa nipuro nawoopiha ni nootulli. Vawi wohaahulla ddoowara ddawo winllaka vamiitthoni vaka, miyaanottho kohiiwa nivekello nawo. Mi Apwiya koollota.

Aefeso 2:4

Koma echifundo ya Mulluku tti yawaata nave echikondaaye va hiyaano tti yuullupalli,

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

Numeri 14:18

‘Apwiya tti oohisha murima mwawaakuva, tti ooddalla ni echikondi yoohisintheya nave tti ookhululukella ddoonanara ni machimo. Komave khenaakhullella wi oochimwa ahillakiwe. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.’

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

1 Timoteo 4:8

Waddollweella weera mattheella oollipiha mwiilli wookhalla ni oreera wa vang'ono koma waddollweella weera ddoomutitimiha Mulluku wookhalla ni oreera mu ddittheddene kaambiiwa onnalonjeza okumi wa ollello ni wa muhoollo.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

2 Mamwene 6:30

Mwene iiwalle mawu a mutthiyanooyo, ahaahulla ddoowara ddaye.

2 Mamwene 5:7

Nave mwene a o Israele amweelengilleeye kalatooyo, ahaahulla ddoowara ddaye ekaamba ya ethakaraka allota wi, “Ethiyo mi tti Mulluku awiipha ni ohokollosella okumi wi muthu yoolla akilembelle mawu awi kichirihe makate a muthu? Tti yoodduwanyeya wi olliye anamwaasha namullota wi aambane ni mi.”

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

Genesis 37:34

Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

Genesis 37:29

Vano Rubeni ahokollweelle wiihimeni wulle amuphwanyille Yosefe ahiimo. Vaavo ahaahulla ddoowara ddaye moomoriwa ethakaraka.

Yesaya 58:5

Ethiyo ohalla ocha wawi ddiiddanngu tti nko katthoonlleemi? Nyu munnawarama vatthi wonanko manasi, munnaanddellella eziguduli ni ohellavo ntuura wi mukonaatthivo. Ethiyo muneesa ohalla ocha tti wenngu, nllapo nowaahakallalliha Apwiya?

2 Mamwene 22:11

Mwene iiwalle mawu a mu nibukhu na malamulo, ahaahulla ddoowara ddaye mweethakaraka.

Yeremiya 41:5

waaphiya athu khumi ni atthanu oovenyera o Shekemu, o Shilo ni o Samariya. Ereru ddiwa yaachema, ddoowara ddiwa ddaari ddawaahuwa nave miilli ddiwa ddaari ddooremeyaremeya. Yakusalle mikutho dda ddoocha ni lubani* wi yavelleelle o enyumba ya Apwiya.

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

2 Epilli 6:27

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Yeremiya 36:7

Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”