Yowele 2:12 - Mawu a Mulluku

¹² Koma naari ollellova, Apwiya enallota wi, “Lapani nave muhokollweelle wa miyaano ni murimaanyu muttheene. Hallani ocha, inllani ekutho ni omoriha ethakaraka.

Yowele 2:12 ပူးပေါင်းရင်းမြစ်များ

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.

Yeremiya 4:1

Apwiya enallota wi, “Mwapaalla ohokollowa, nyu Aisraele, hokollweellani wa miyaano nave muvenyihevo mafanwaanyu vamiitthoni vaka nave muhiwe muhollowattho.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

1 Samuele 7:6

Vano yaatthukumana o Mizipa. Yaarika maaddi enawiithella vatthi mooveka wi Apwiya yaakhululukelle enahalla ocha* nllapo nittheene. Yaanallota wi, “Nohaachimwella Apwiya.” Tti o Mizipa nko Samuele eeruzelleeyewo millatu dda Aisraele.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Oweeruza 20:26

Vano athu attheene, sika wi mulloko wa athu akhoto muttheene waaya o Betele wi winlle. Yaakeraatthi vamiitthoni va Apwiya, ehalla ocha* nllapo nenno ophiyera misikuwa nave yaavelleella mukutho wooshellelliha ni mukutho wa eyaattano vamiitthoni va Apwiya.

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Yesaya 58:4

Munahallella ocha wi mukanganeke ni owana ophiyera wuukuthana ni ekhonya mwawummellana murima. Ethiyo muneesa wi miyaano ttuuwiiwellella mavekellwaanyu, ekaamba ya ohalla ocha* wawiddiiddanngu?

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Malaki 1:9

Vano nyu allupa mukutho, muvekeni Mulluku wi aneerelle echifundo. Ethiyo ni emphaso ddiri m'mattani mwanyunndda, olliye ttuuweerellani echifundo? Mi Apwiya Amasiva Mattheene koollota.”

Eksodo 33:5

Sika Apwiya yaari emulleellille Mose wi, “Alleelle Aisraelaayo wi, ‘Nyu tti athu awumma murima. Kathaananilleke ni nyuwaano naari va enthawi yooyeva, ddaano kiwoonongilleni attheene. Vano rullani ddawiireerihana ddanyu nave kineerewoona yawi kiweereni.’ ”

Oweeruza 2:4

Mungelooyo allotille mawu yaalla wa Aisraele attheene, athwaayo yahaamba okhuwa ni winlla.

2 Samuele 24:10

Vatulli viwa Davide ahiivaanyiha m'murimani mwaye, oweerenga athu wulle omanlle. Vano aavekella wa Apwiya wi, “Koochimwa wunchichi vaweerani yeella. Koma vano, nyu Apwiya, kinuuvekani wi mukikhululukelle nichimo na mi oorumeyellaanyu. Vawi koheera ddookarangeya wunchichi.”

2 Epilli 6:27

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

2 Epilli 30:6

Vano amithenga yaaya o Israele otthewene ni o Yuda ni makalata oovenyera wa mwene ni enduna ddaye. Mwene aalamula wi, “Nyu athu a mu Israele, hokollweellani wa Apwiya Mulluku a Abrahamu, Isaki ni Yakobo wi alliwa ehokollweelle wa athu muhanlle, nyu mwavulluwalle m'mattani mwa mamwene a o Asiriya.

Yeremiya 3:22

Nyu athwaaka oohiroromelleya hokollweellani wa miyaano, kineerewuuchirihani wi mukhalle ororomelleya. Nyu munallota wi, “Ninimawa wa Apwiya vawi alliwa tti Mullukwaahu.

Yeremiya 36:7

Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Hoseya 12:7

Apwiya enallota wi, “Israele tti wonanko ookulliha malonda ookhalla ni yoolingella yoolleka. Annakonda waaherulla athu.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.