Yowele 2:1 - Mawu a Mulluku

¹ Ipani nipallapata o Ziyoni, khuwani moochenjeza va mwaangwaaka waweella. Nyu attheene ookhalla mu Yuda tthukumellani vawi nllapo na Apwiya ninimawa, nohaatamella.

Yowele 2:1 ပူးပေါင်းရင်းမြစ်များ

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Yowele 2:15

Ipani nipallapata vamwaangoni wa Ziyoni, alamuleni athu ehalle ocha, ithanihani mutthukumano woopatuleya.

Yowele 1:15

Moowe kookhwa! Nllapo na Apwiya niri vakhuviru, nno Amasiva Mattheene anoonongeyiiwa, ddawoona, nllapo nenno ninaawe ni ddawoopiha!

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Zefaniya 3:11

Nyu athu a o Yerusalemu, nllapo nenno khamuwa muwulliwattho muru, ekaamba ya ddoonanara ddittheddene mwakiwukilalleenyu. Vawi enthawi yeeyo kineerewuuvenyihellani, attheene awiitukhulla ni awiinyarulla. Khamuwa mweerattho ddawiitukhulla ddanyu, va mwaangwaaka waweella.

Zefaniya 1:14

Nllapo nuullupalli na Apwiya nohaatamella, niri vakhuviru nave nineerophiya mwawaakuva. Nllapo nenno oneerokhalla okhuwa woovoreya naari akhoto amasiva aneerewinlla mookhuwa.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

1 Atesalonika 5:2

Vawi nyuwaano nyookha munnadduwella phaamaddene wi nllapo na Apwiya nineerophiya wonanko mullupaawiiya mahiiyu.

Obadiya 1:15

“Nllapo nohaatamella mvo mi Apwiya kinaaweeruzeemi mitundu ddittheddene. Edomu, weerilleewe eneereweereya wa weyaano, oneerohokolloselliwa ddoonanara.

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Hoseya 5:8

Ipani mapallapata akhoto o Gibea ni o Rama, achenjezeni athu a o Betaveni. Nyu athu a o Benjamini, hoollani!

Ezekiele 7:12

Enthawi yoophiya, nllapo nohaatamella! Ookulla ahihakallalle, ookulliha ahimoriwe ethakaraka vawi owallaaka wohaamorella attheene moophwanaphwana.

Yeremiya 4:5

Llalleya o Yuda ni o Yerusalemu wi, “Opani nipallapata mu ellapo ettheene nave mukhuwelle wi, ‘Tthukumanani niye o muzinda ddoollipa.’

Yakobo 5:8

Nyuwaanottho munaphwanella wi muvillellekettho. Llipihani murima vawi Apwiya eri vakhuviru ophiyera.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Zefaniya 1:16

nllapo namapallapata ni okhuwella mizinda dda mipanda ni mattattha a akhoto.”

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Hoseya 8:1

Apwiya enallota wi, “Ipani nipallapata! Adani aatthukumanella enyumba ya Apwiya wonanko mipungu va enama yookhwa. Athu aatathilla echipanganwaaka nave aachimwella malamulwaaka.

Ezekiele 33:3

Olliye awoona adani ewaaka, anniipa nipallapata waachenjeza athu.

Ezekiele 12:23

Vano waalleelle athu wi mi Apwiya Mulluku kinallota wi, kineerowumalliha mwambi yoolla, khowa wiiweyattho mu Israele. Koma enthawi eri vakhuviru wi ddittheddene kuupullullalleemi m'masomphenya ddeereye.

Ezekiele 7:10

“Onani nllapo nootulli ninimawa! Ollakiwa wanyu woophiya! Okota wanyu woophiya voonanara nave wiitukhulla wanyu wohooneyella vaweella.

Daniele 9:20

Kaanallota ni ovekella ni waakhullella machimwaaka ni machimo a athwaaka a Israele. Kaanaveka vamiitthoni va Apwiya Mullukwaaka vawuupuwellani mwaango waweella wa Mullukwaaka.

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Ezekiele 33:6

Koma mulonda oona wi adani enimawa, ahiipa nipallapata waachenjeza athu nave yamwiipha muthu mmodda naari muthooyo akhwenlle machimwaaye, nikhame ninaakhalle va muru va mulondooyo ekaamba ya okhwa wa muthooyo.

Yeremiya 16:10

“Vano waalleella athwaayo mawu yaalla, yakoha wi, ‘Kaambiiwa tini Apwiya ellotilliiwa wi otulli wawiddiidda onimorella hiyaano? Ethiyo nilakwille tini? Ethiyo naachimwenlle tini Apwiya Mullukwaahu?’

Yeremiya 16:7

Khaavo oyo anaamuvahe yoocha muthu awinlla wi amukhurumuse murima ekaamba ya ookhwaayo. Khamuvaha yoowirya wi amukhurumuse murima naari ookhwaayo eri attiitthinnya apaalle amennya.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Yesaya 2:12

Apwiya Amasiva Mattheene aakeraatthiha khalle nllapo nno enaakitthihiiwa attheene ookota, awiitukhulla ni awiinyarulla.

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Masalimo 87:1

Apwiya aakeraatthiha muzindiiwa vamwaangoni waweella.

Numeri 10:3

Yiipiwa meelliinaayo, athu etthukumane ni weyaano va mullako wa musasa wamutthukumano.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

1 Epilli 15:28

Vano Aisraele attheene yaawaana nibokosi na echipangano na Apwiya ekhuwaka nave yiipaka eziitolilo, mapallapata ni misangwa. Nave yaaniipattho azeze ni magitala.

1 Akorinto 14:8

Nave ethiyo muthu anoopa nipallapata nakhoto oopa ddoohidduwanyeya, ttaani anaakhozekelle ekhotweeyo?

Yawuupullulla 6:17

Nllapo nawoopiha ni noosha murimiiwa noophiya. Ethiyo ttaani anaawiimelle?”

Eksodo 10:14

Aaddalla va ellapo ettheene ya Iguputo. Waata wa nazombooyo waari wawi khawunooneyekettho waambeella khalle nave khawiwa wooneyakattho.

Ezekiele 30:3

Nllapo nohaatamella, nllapo na Apwiya niri vakhuviru. Nllapo namirapo, nllapo na ollakiwa wa mitundu dda athu.

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Yowele 3:14

Athu ooheerengeya eri mu ntapo na Echiweruzo, nllapo na Apwiya nohaatamellawo.

Amosi 5:18

Otulli wa nyu munanikhallella munkhella nllapo na Apwiya! Ethiyo munaaphurena tini nllapo nenna? Ninaakhalle nllapo neepiphi ohiri noowala.

Zekariya 14:1

Ngoonani, nllapo na Apwiya ninimawa mvo ddeko nnddo adanaawo yawaakhilliiwa enaaddikawaniiwa weyaano woonaka ni miitthwaawo.

Numeri 10:2

“Ohane mapallapata meelli a siliva. Yiipiweke voowiithanani athu ni vootimullani.

Yesaya 13:6

Inllani mookhuwa vawi nllapo na Apwiya nohaatamella nave ninawa ni woononga woovenyera wa Amasiva Mattheene.

Yesaya 13:9

Ddawoona, nllapo na Apwiya ninimawa, nllapo noohikhalla ni ethakaraka, noosha murima ni nawoopiha. Apwiya enimawa wi etthattuse ellapo yavatthi wi ekhalle echipululu ni owoononga athu oochimwa ookhalla mwemmo.

Ezekiele 21:12

Winlle nave okhuwe vawi ddittheddenenndda ddineerewaamorella athwaaka, ddineerewaamorellattho oohoollella a Aisraele, eneerewiiphiwa ni nsupada vamodda ni athwaaka. Ekaamba ya yeella odduukuthe vathirimani moomoriwa ethakaraka.

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.