Yowele 1:9 - Mawu a Mulluku

⁹ Mikutho dda ddoocha ni dda ddoowirya khaddinavelleelliwa o enyumba ya Apwiya. Allupa mukutho eniminlla, oorumeyella a Apwiya.

Yowele 1:9 ပူးပေါင်းရင်းမြစ်များ

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Hoseya 9:4

Wenko athu khewa evelleella mikutho dda ddoowirya wa Apwiya. Kheyaahakallallihattho ni mikutho ddiwa. Yoochiiwa enaakhalle wonanko yoocha ya vamalironi. Attheene ayo enaache yoocha yeeyo eneeroripihiwana. Yoocheeyo enaakhalle yoochella ettalla oohikhalla yawi ttuuvelleella wa Apwiya.

Yesaya 61:6

Koma muneerekoromolliwa allupa mukutho a Apwiya, muneerekeweeriwa oorumeyella a Mulluku. Muneerekoocha eyuuma ya mitundu ddimodda muneerekokotella ntitimiho niwa.

Yowele 1:16

Khaninna yaweera vawi yoochaahu yohoonongeya, ohakallalla khawiiwo naari vang'ono o enyumba ya Mullukwaahu.

Maliro 1:16

Ekaamba ya ddenndda kiniminlla, miitthwaaka ennamora miitthori, vawi ookikhurumusa murima khari vakhuviru, ookillipiha murima oorekamella. Athwaaka ehanlle weekhiiwa, vawi mudani oonigonjiha.

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

2 Epilli 13:10

“Koma wa hiyaano, Apwiya sika Mullukwaahu nave khanaawaahiyalle. Allupa mukutho ayo enaarumeyella Apwiya tti anamwani a Aroni nave Alevi ennaakaviherattho.

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.