Yowele 1:7 - Mawu a Mulluku

⁷ Ohoononga mpesaaka, ohinttaka miteekho ddaka ddanamukuyu, ooddikhwarullella, ooddikumburulla makulliiwa aatathilla, addihiya enthambi ddiwa ddiri mbee!

Yowele 1:7 ပူးပေါင်းရင်းမြစ်များ

Amosi 4:9

“Kahummiha mmiddwaanyu ni ereta owaaka nkhuwawe, nazombe ahoononga emata ddanyu ddittheddene ni ddampesa, miteekho ddanyu ddanamukuyu ni dda olivi komave khemwaahokollweelle wa miyaano. Mi Apwiya koollota.”

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Yowele 1:12

Mpesa wohumma, namukuyu oonyaalla, Makangaza, kanjeza, miteekho dda mapulosi ni miteekho ddittheddene dda mwiillaponi ddohumma, sika ohakallalla wa athu woomalla.

Habakuku 3:17

Naari namukuyu ahiphuwe malluwa apaalle mipesa ddihiime ezipaso apaalle olivi ahimme ezipaso, m'matani muhikhalle ddoocha apaalle eziweto ddittheddene ddikhwe m'makhollani,

Hoseya 2:12

Kineerewoononga miteekho ddaye ddampesa ni ddanamukuyu nnddo alloteeye wi, ‘Yaalla sika mallivellwaaka ayo ezibwenzi ddaka ddakivahilliiwa.’ Kineeroyitthattusa otthako nave enama ddamuhakani ddineerewoononga.

Yeremiya 8:13

“Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Yesaya 24:7

Mipesa ddinimumma nave vinyo annarama. Arive muthu ahakallalla vano ookhalla ni ethakaraka.

Masalimo 105:33

Yahoononga miteekho ddiwa ddampesa ni ddanamukuyu, yahinttaka miteekho ddittheddene dda mu ellapwiiweeyo.

Eksodo 10:15

Aahuruwella ellapo ettheene nave ethaya ettheene yaaripa ekaamba ya nazombooyo. Aacha erive ello yoomella muthayani ni ezipaso dda m'miteekhoni ddahoonongiwe ni marallallaalle. Kheyaarivo ello ekitthi yahallille vamuteekhoni apaalle yoomella mu ellapo ettheene ya Iguputo.

Eksodo 10:14

Aaddalla va ellapo ettheene ya Iguputo. Waata wa nazombooyo waari wawi khawunooneyekettho waambeella khalle nave khawiwa wooneyakattho.

Yesaya 32:12

Dduukutheni vakhakaddani mwathakaraka ekaamba yawi emata dda ethaya yaphaama ddampesa ddohoonongeya.

Malaki 3:11

Ngaakhullella wi middope ddoononge ddam'matani mwanyu nave mipesa ddanyu khaddihiya wimma ezipaso. Kinallota tti mi Apwiya Amasiva Mattheene.