Yowele 1:15 - Mawu a Mulluku

¹⁵ Moowe kookhwa! Nllapo na Apwiya niri vakhuviru, nno Amasiva Mattheene anoonongeyiiwa, ddawoona, nllapo nenno ninaawe ni ddawoopiha!

Yowele 1:15 ပူးပေါင်းရင်းမြစ်များ

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Yawuupullulla 6:17

Nllapo nawoopiha ni noosha murimiiwa noophiya. Ethiyo ttaani anaawiimelle?”

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

Masalimo 37:13

Koma Apwiya ennamuttheya oonanarooyo, vawi ennoona wi nllapo naye nawoonongeya niri vakhuviru.

Yeremiya 46:10

Koma nllaponno tti nllapo na Apwiya Mulluku Amasiva Mattheene, nllapo nowaahokollosella adaniiwa. Nsupada niwa nineerewoononga, nineerovona ni olezela nikhame. Apwiya Amasiva Mattheene ennavelleella mukutho, ompoto, vakhuviru ni muhinje wa Yufurate.

Ezekiele 30:3

Nllapo nohaatamella, nllapo na Apwiya niri vakhuviru. Nllapo namirapo, nllapo na ollakiwa wa mitundu dda athu.

Yowele 3:14

Athu ooheerengeya eri mu ntapo na Echiweruzo, nllapo na Apwiya nohaatamellawo.

Obadiya 1:15

“Nllapo nohaatamella mvo mi Apwiya kinaaweeruzeemi mitundu ddittheddene. Edomu, weerilleewe eneereweereya wa weyaano, oneerohokolloselliwa ddoonanara.

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.