Yowele 1:13 - Mawu a Mulluku

¹³ Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:13 ပူးပေါင်းရင်းမြစ်များ

Yeremiya 4:8

Sika warani eziguduli, mukhupanye ni winlla wunchichi, kaambiiwa owalli wawoopiha wa Apwiya khonavenyevo va Yuda.”

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

2 Akorinto 6:4

Koma mu erive ello ninooniha wi niri oorumeyella a Mulluku. Vawi ninnavillella ddookhupanyiha, ddoohoosa, ddookatamiha,

2 Akorinto 3:6

Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

1 Akorinto 9:13

Khamunadduwella wi athu enaphara mutteko mu enyumba ya Mulluku enaphwanya yoocha ovenyera mu enyumba ya Mulluku yeeyo nave allupa mukutho enaakhellana dda mukuthooyo.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

Yesaya 61:6

Koma muneerekoromolliwa allupa mukutho a Apwiya, muneerekeweeriwa oorumeyella a Mulluku. Muneerekoocha eyuuma ya mitundu ddimodda muneerekokotella ntitimiho niwa.

2 Samuele 12:16

Sika Davide aamuvekellella mwaanooyo wa Mulluku. Aahalla ocha,* avollowa mpa, akonaatthi vatthi mahiiyu mattheene.

Numeri 29:6

Muvelleelle ddittheddenenndda woonjerera va mukutho wooshellelliha ni mukutho wa othu woovelleelliwa nllapo nawaamba na mweeri navettho va mikutho dda nllapo ni nllapo, ddooshellelliha, dda othu ni dda yoowirya moollikana ni mutethwiiwa wi ddikhalle mikutho ddawoosiwa viikho, dda nthuko nawaaddivella Apwiya.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Ezekiele 21:12

Winlle nave okhuwe vawi ddittheddenenndda ddineerewaamorella athwaaka, ddineerewaamorellattho oohoollella a Aisraele, eneerewiiphiwa ni nsupada vamodda ni athwaaka. Ekaamba ya yeella odduukuthe vathirimani moomoriwa ethakaraka.

Hoseya 9:5

Ethiyo nllapo nootthoolleya na Apwiya, nllapo na ehakallallo, athu enaaweere tini?

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Numeri 28:4

Mwaanaankhosa mmodda mumuvelleelleke ohinase nave mmodda misikuwa.

Numeri 28:7

Vamodda ni erive enkhosa, mukutho wayoowirya ekhalle lita nimodda. Vanipuroni noopatuleya mumwiithellekevo vinyo oowalli omuvelleella wa Apwiya.

Numeri 28:14

Mukutho wayoowirya ekhalleke vinyo ookwakhwana malita meelli va arive nankhoro a eng'ombe, vinyo ookwakhwana lita nimodda ni hafu va arive nankhoro a enkhosa ni vinyo ookwakhwana lita nimodda va arive mwaanaankhosa. Olla sika mukutho wooshellelliha wa orive wooneya wa mweeri vamuyakhani.

Ezekiele 27:31

Yaaniichema mpala ekaamba ya weyaano, yaanawara eziguduli eninlla ni murima woovoreya.

Yowele 2:12

Koma naari ollellova, Apwiya enallota wi, “Lapani nave muhokollweelle wa miyaano ni murimaanyu muttheene. Hallani ocha, inllani ekutho ni omoriha ethakaraka.