Yowele 1:12 - Mawu a Mulluku

¹² Mpesa wohumma, namukuyu oonyaalla, Makangaza, kanjeza, miteekho dda mapulosi ni miteekho ddittheddene dda mwiillaponi ddohumma, sika ohakallalla wa athu woomalla.

Yowele 1:12 ပူးပေါင်းရင်းမြစ်များ

Yesaya 24:11

Athu enimakhuwa m'musewuni ekaamba ya orama wa vinyo. Ohakallalla wuttheewene woomalla khavirittho nave ohakallalla va ellapo yavatthi ettheene.

Yesaya 16:10

Ohakallalla ni weelliwa murima woohiyiwa o emata dda ethaya yaphaama. Machipo kheniipiwa nave khavirittho mawu ookhuwa mu emata ddampesa. Khaavo anamuwamulla vinyo moovotellamo mpesa nave okhuwa woohakallalla wa enthawi yoohata mpesa woohiyiwa.

Yowele 1:16

Khaninna yaweera vawi yoochaahu yohoonongeya, ohakallalla khawiiwo naari vang'ono o enyumba ya Mullukwaahu.

Yowele 1:10

M'matani mohoonongeya ethaya eniminlla, vawi tirigu ohoonongeya vinyo oolepheleya, miteekho dda olivi ddohumma.

Nchipo na Solomoni 2:3

Wonanko mapulosi variyari va miteekho dda muutthakoni, sikattho ookondiwaaka variyari va asombwe. Kinnahakallallesesa vawiithuuwani va muuthuuchaaye, ddinnanang'aneya muwanommu ezipaso ddaye.

Hagai 2:19

Khamunna yoocha yinchichi mukhokweni mwanyu naari ezipaso ddampesa, ddanamukuyu, ddamakangaza navettho dda olivi khaddinimme. Koma waambeella ollello kineerewuudalisani.”

Yeremiya 48:33

Ohakallalla ni othapella wa ellapo ya ethaya yaphaama ya Mowabu woomalla. Koohiiha ovuuva wa vinyo moovotellamo mpesa. Khaavo anakhuwa moohakallalla aavotaka mpesa vawi okhuwa oniiweyanko khe woohakallalla.

Yeremiya 48:3

Ngiiwani winlla weethakaraka wa athu a o Horonaimu, eni, ‘Otthollosa! Woononga!’ ”

Yesaya 9:3

Nyu Apwiya, mohaatiha mutundwaanyu, mohoonjerera ohakallalla wa athwaanyu. Alliwa ennahakallalla vamiitthoni vanyu wonanko mmo athu enahakallallelliiwa voohatani, mmo enahakallallelliiwa vookawanani ddawaakha.

Nchipo na Solomoni 4:13

Embewu ddawo ddinnahakallalla phaama. Emateene wonanko ya ezipaso ddamakangaza, ya ezipaso ddooddiva, ddawunkhella ddoohiyanahiyana.

Masalimo 92:12

Athu oolungama eneerophuwa wonanko mikwarangwa, eneerewunnuwa wonanko mikunguza dda o Lebanoni.

Masalimo 4:7

Koma ohakallalla nko mukivahilleenyu m'murimani mwaka, wohaakhwaranya ayo eri ni ddoocha ni ddoowirya ddinchichi.

Numeri 13:23

Nave yaaphiya o ntapo na Eshikolo ekhoddolla ntthatta nimodda na mpesa nave athu eelli yaatukhulla okoponi mootembihana. Yaakusattho ezipaso ddamakangaza ni ddanamukuyu.

Yesaya 24:7

Mipesa ddinimumma nave vinyo annarama. Arive muthu ahakallalla vano ookhalla ni ethakaraka.

Yona 4:7

Koma ohinase wene, Mulluku aarumiha miingu wi ddache mukhurooyo nave waanyaalla.

Malaki 3:11

Ngaakhullella wi middope ddoononge ddam'matani mwanyu nave mipesa ddanyu khaddihiya wimma ezipaso. Kinallota tti mi Apwiya Amasiva Mattheene.