Yoswa 9:1 - Mawu a Mulluku

¹ Mamwene mattheene ookhalla woovollowa nndduwa wa muhinje wa Yordani yahiiwa ddenndda. Attheene ookhalla m'miyaangoni, mutapo ni mukhwipi mwa Enyanja Yuullupalli ya ompoto wa Lebanoni alliwattho yahiiwa. Yaalla tti mamwene a Ahiti, Aamori, Akanani, Aperezi, Ahivi ni Ayebusi.

Yoswa 9:1 ပူးပေါင်းရင်းမြစ်များ

Numeri 34:6

“Maliraanyu a woovollowa nndduwa ekhalle Enyanja Yuullupalli ni museresere mwiwa. Yaalla sika malire a woovollowa nndduwa.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Eksodo 23:23

Mungelwaaka aneerewuuhoollellani nave aneerewuuvollochihani mu ellapo ya Aamori, Ahiti, Aperezi, Akanani, Ahivi ni Ayebusi nave kineerowoononga attheenaayo.

Yoswa 24:11

Mwaallapuwa muhinje wa Yordani mwaphiya o Yeriko. Athu a o Yeriko yaawana ni nyuwaano, owaaka Aamori, Aperezi, Akanani, Ahiti, Agirigashi, Ahivi ni Ayebusi nave kahaavelleella m'matani mwanyu.

Yoswa 23:4

Ngoonani, koovelleella wa nyuwaano mitundu nnddo muhiddigonjihalleenyu wi ddikhalle yoohallanaanyu ya mallokwaanyu o muhinje wa Yordani, mitundu ddittheddene kaddoonongilleemi ni Enyanja Yuullupalli woovollowa nndduwa.

Yoswa 22:7

Mose aari aavahille o Bashani athu a hafu a nlloko na Manase koma athu a hafu mmodda Yoswa ahaavaha yoohallaniiwa variyari va abaliiwa vakhopella va muhinje wa Yordani woovollowa nndduwa. Yoswa aarumiheeye athwaayo owaniwa ahaadalisa,

Yoswa 22:4

Vano Apwiya Mullukwaanyu, aawiithuuwiha Aisraele akhwiinyu moollikana ni mmo yaalonjezelliiwa. Sika hokollweellani owaninyu o yoohallanaanyu, ellapo eyo eri vakhopella va muhinje wa Yordani, eyo Mose oorumeyella a Apwiya uuvahilleeyeni.

Yoswa 15:12

Malire a woovollowa nndduwa yaari Enyanja Yuullupalli. Yaalla sika yaari malire awaapheella nlloko na Yuda ni mabanjiiwa.

Yoswa 13:5

Navettho ellapo ettheene ya Agebala ni ya Lebanoni wookhuma nndduwa ovenyera o Baala Gadi vatthi va mwa mwaango wa Heremoni ophiya o Hamati.

Yoswa 11:17

ovenyera omwaangoni wa Halaki vakhuviru ni Seiri ophiya o Baala Gadi mu ntapo na Lebanoni museresere mwa mwaango wa Heremoni. Ahaaphara mamweniiwa mattheene awiipha.

Yoswa 10:23

Sika yaheera ddennddo, yaakhumiha mamwene matthanwaalle munikhunguni, mwene a o Yerusalemu, a o Hebroni, a o Yaramuti, a o Lakishi ni a o Egiloni.

Yoswa 5:1

Mamwene mattheene Aamori ookhalla woovollowa nndduwa wa muhinje wa Yordani ni mamwene Aakanani ookhalla museresere mwa enyanja yiiwalliiwa wi Apwiya yahummiha muhinje wa Yordani Aisraele yallapuwiiwa yahoova nave yaatathilla murima ekaamba ya Aisraelaayo.

Yoswa 3:17

Enthawi ettheeneeyo allupa mukutho ootukhulla nibokosi na echipangano na Apwiyanne yaari yiimenlle vawumma variyaririyari va muhinje wa Yordanoolle ophiyera athu attheene ellapuwalle.

Yoswa 1:15

Nave alliwa yaakhella ellapo eyo Apwiya Mullukwiiwa yaavahilliiwa nave yiithuuwamo, nyuwaano muneerohokollowa wi mukeraattheye mu ellapo eyo uuvahilleni Mose, oorumeyella a Apwiya wuno wookhuma nndduwa okhopella wa Yordani.”

Yoswa 1:4

Ovenyera o echipululu, omwera ophiya o miyaango dda Lebanoni, ompoto ovenyerattho o muhinje muullupalli wa Yufurate wookhuma nndduwa ophiya o Enyanja Yuullupalli woovollowa nndduwa ni ellapo ettheene ya Ahiti enaakhalle ellapwaanyu.

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Deuteronomo 4:49

Yaaphiyattho o echigawo ettheene ya Araba wookhuma nndduwa wa muhinje wa Yordani ni o enyanja ya Araba, museresere mwa mwaango wa Pisiga.”

Deuteronomo 3:25

Mukaakhullelle wi killapuwe muhinje wa Yordani yoollave nave wi koone ellapo yaaphaameeyo vakhopellamvo, ellapo yooreera yamiyaango navettho miyaango dda Lebanoni.’

Eksodo 34:11

Mwiiwellelleke malamulo alla kuulamulelleemi ollellwaalla. Kineerowiikariha Aamori, Akanani, Ahiti, Aperezi, Ahivi ni Ayebusi.

Eksodo 23:31

Kineerokeraatthiha ellapwaanyu ovenyera o Enyanja Yoofiira ophiya o enyanja ya Afilisti navettho ovenyera o echipululu ophiya o muhinje wa Yufurate. Kineeroweerihani wi mwaagonjihe athu ookhalla mu ellapweeyo nave muneerowiikariha.

Numeri 13:29

Aamaleke enakhalla mu echigawo ya omwera. Ahiti, Ayebusi ni Aamori enakhalla mu echigawo yamiyaango. Akanani enakhalla museresere mwa enyanja ni museresere mwa muhinje wa Yordani.”

Yoswa 6:27

Sika Apwiya yaakhalla ni Yoswa nave epillaaye yaavuwa ellapo ettheeneeyo.

Yoswa 9:7

Koma Aisraele yaawaakhulla Ahivi wi, “Apaalle owaninyu tti mukhuviru mwemmu. Vano ninaapangane mwawiidde?”

Deuteronomo 1:7

Timullani muye o ellapo yamiyaango ya Aamori ni otthewene nko onakhalla akhwiiwa a Aamoraayo monga o ntapo na Araba, o miyaango ni o ntapo, ohito ni omwera, mukhwipi mwa Enyanja Yuullupalli, o ellapo ya Akanani ni Alebanoni ophiya o muhinje muullupalli wa Yufurate.

2 Samuele 24:7

Vano yaaphiya ompandani wa Tiro ni o mizindani ddittheddene dda Ahivi ni Akanani. Ddimanlle nndda, yaavenyewo wenko yaphiya o Beeresheba, omwera wa ellapo ya Yuda.