Yoswa 8:8 - Mawu a Mulluku

⁸ Mwaakha muzindooyo, muwuhelle munllo moollikana ni mmo Apwiya elamulelliiwa. Alla sika malamulo ayo kiwinnyalleemini.”

Yoswa 8:8 ပူးပေါင်းရင်းမြစ်များ

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

Yoswa 1:16

Nave yaamwaakhulla Yoswa wi, “Ddittheddene nnddo munilleelleenyu nineereweera nave orive weko munaanirumeenyu nineeroyaawo.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Oweeruza 4:6

Debora aamuruma muthu wi amwiithane Baraki, mwaana a Abinowamu a o Kedeshi ellapo ya Nafutali. Baraki awiille Debora aamulleella wi, “Apwiya Mulluku a Aisraele, annuulamula wi, ‘Khawe waatthukumanihe athwaawo o mwaango wa Tabori nave waakuse athu 10,000 a nlloko na Nafutali ni na Zebuloni.

Yoswa 8:28

Enthawi yeeyo Yoswa aawuhella munllo muzinda wa Ai awutthattusa ntepe ophiyera ollello.

Yoswa 6:24

Vano yaahella munllo muzindooyo nave erive ello yaari mwemmo yaasha. Koma ddeko nnddo ddapangiwe ni golide, siliva navettho ezipangizo ddamukuwa ni ddamikoko nnddo yaddikusalliiwa yaaddisunga moosungellamo eyuuma ya mu enyumba ya Apwiya.

Deuteronomo 20:16

“Koma mwaakha mizinda nnddo ddiri mu ellapo eyo Apwiya Mullukwaanyu enuuvaheewani wi ekhalle wonanko yoohallanaanyu, mumwiiphe arive muthu.

Yoswa 8:2

Mweere ni muzinda wa Ai ni mweneene wonanko mmo mweerelleenyu ni muzinda wa Yeriko ni mweniiwa. Koma katundu a m'muzindanimmo ni enama muddaakhe wi ddikhalle ddaanyu. Muwiipitthelle muzindooyo nave muwanena oweella otulli wiwa.”

Yoswa 8:7

Vano mutthupulluwe nko munaawiipittheenyu nave mwaakhe muzindooyo. Apwiya Mullukwaanyu, eneerewuuvahani muzindooyo.

Yoswa 8:9

Sika Yoswa ahaaruma nave alliwaayo yaaya onipuroni nawiipitthellawo yatiyerellaka woononga muzindooyo. Nipuronno naari woovollowa nndduwa wa muzinda wa Ai, variyari va muzinda wa Ai ni wa Betele. Koma Yoswa ni mullokwaaye wakhoto waahalla m'musasani mahiiyu mattheene.

Yoswa 8:22

Aisraele ayo yaari m'muzindanimmo yaawa enallipana ni akhoto a o Ai. Sika athu a o Ai yahaapheelliwa ni Aisraele nave khaavo ni mmoddeene athawille.

Yoswa 8:13

Ahaatthatta akhoto mookhozekella ekhoto nave mulloko muullupalli waatthipella misasa ompoto wa muzinda koma mulloko mmodda wamakille woovollowa nndduwa nave mahiiyu yaayo Yoswa aavollowa variyari va ntapo.