Yoswa 8:2 - Mawu a Mulluku

² Mweere ni muzinda wa Ai ni mweneene wonanko mmo mweerelleenyu ni muzinda wa Yeriko ni mweniiwa. Koma katundu a m'muzindanimmo ni enama muddaakhe wi ddikhalle ddaanyu. Muwiipitthelle muzindooyo nave muwanena oweella otulli wiwa.”

Yoswa 8:2 ပူးပေါင်းရင်းမြစ်များ

Deuteronomo 20:14

Koma atthiyana, anamwani ni eziweto ddittheddene muddaakhe wi ddikhalle ddaanyu. Ddeko ddittheddene dda adanaanyu muddipharihe mutteko vawi Apwiya ahuuvahani ddennddo.

Miyambo 13:22

Muthu aphaama annahiyera eyuuma edduullu ddaye koma oonanara eyuumaaye ennakhalla ya oolungama.

2 Epilli 20:22

Yaambille wiipa ni ollapella, Apwiya yahaareya musampha Aamoni, Amowabu ni athu a o mwaango wa Seiri ayo yawiille wi ellipane ni Ayuda mwawi yahaagonjiha athu attheene.

Yoswa 6:21

Vano yaavollowa m'muzindani, masupada eri m'mattani mwiwa, ewiipha attheene ni masupada awiisha allopwana ni atthiyana, attekweene ni anamwani, eng'ombe, enkhosa ni abulu.

Yeremiya 51:12

Imesani embendera nave moononge mipanda dda Babiloni. Mwaallipihe ooteteza, mwaahiyevo alonda nave mukhozekelle waatthollosa.” Apwiya aaganizera nave eneereweera nnddo yallotilliiwa dda athu a o Babiloni.

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Miyambo 28:20

Muthu oororomelleya aneerokhalla ni madaliso manchichi koma oothamakella eyuuma aneerollakiwa.

Masalimo 39:6

Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

2 Epilli 13:13

Vano Yerobowamu ahaarumiha akhotwaaye wi yawane ni akhoto a Ayuda ovenyera muhoollo nave akhoto awiipitthaayo yavenyera mutulli mwiwa.

Yoswa 10:28

Nllapo nenno Yoswa aawana ni athu a muzinda wa Makeda aaphara ni mweniiwa. Aawiipha attheene a m'muzindanimmo nave khaavo naari mmodda avulluwalle. Yaamweerella mwene a o Makeda nnddo yamweerelliiwa mwene a o Yeriko.

Yoswa 10:1

Adonizedeki, mwene a o Yerusalemu iiwalleeye wi Yoswa ohaagonjiha athu a m'muzindani wa Ai nave wi ohoononga muzindooyo ni mweneene wonanko mmo eerelleeye ni muzinda wa Yeriko ni mweniiwa navettho wi athu a o Gibiyoni aapangana dda murendelle ni Aisraele enakhalla ni alliwa,

Yoswa 8:24

Vano Aisraele yaawiipha adaniiwa mutapo ni muhakani mmo yawiikarihelliiwamo. Nave yaahokollweella o Ai ewiiphattho oohalla attheene ayo yaari mwemmo.

Yoswa 8:19

Vano atukhullalle nnatta naye, athu alle yiipitthalle yaatthupulluwa mwawaakuva, ethamakella m'muzindanimmo ewugonjiha. Nave enthawi yeeyo yaawuhella munllo.

Yoswa 8:14

Mwene a muzinda wa Ai awoonille athu a Yoswa, aheera ddeko mwawaakuva, apeha ohinase olliye ni athwaaye eya onipuroni noowehana ni ntapo na Yordani wi yawane ni Aisraele wonanko khalle. Olliye khaadduwella wi aamwiipitthella mutulli mwaye.

Yoswa 8:12

Yoswa ahaavukulla athu 5,000, awiipitthiha woovollowa nndduwa wa muzindooyo, variyari va Ai ni Betele.

Yoswa 8:9

Sika Yoswa ahaaruma nave alliwaayo yaaya onipuroni nawiipitthellawo yatiyerellaka woononga muzindooyo. Nipuronno naari woovollowa nndduwa wa muzinda wa Ai, variyari va muzinda wa Ai ni wa Betele. Koma Yoswa ni mullokwaaye wakhoto waahalla m'musasani mahiiyu mattheene.

Yoswa 8:7

Vano mutthupulluwe nko munaawiipittheenyu nave mwaakhe muzindooyo. Apwiya Mullukwaanyu, eneerewuuvahani muzindooyo.

Deuteronomo 3:2

Koma Apwiya yaakilleella wi, ‘Ohinoova. Koomuvelleella m'mattani mwawo vamodda ni athwaaye navettho ellapwaaye. Nave omweerelle nnddo wamweerelleewe Sihoni mwene a Aamori oyo akhalla o Heshiboni.’

Yoswa 8:3

Sika Yoswa aakhozeka ni akhotwaaye oya o Ai. Ahaatthoolla amodda oollipa murima 30,000 nave ahaaruma mahiiyu.

Yoswa 8:8

Mwaakha muzindooyo, muwuhelle munllo moollikana ni mmo Apwiya elamulelliiwa. Alla sika malamulo ayo kiwinnyalleemini.”

Deuteronomo 2:35

Nahaakha eziweto ni eyuuma dda m'mizindaninnddo wi ddikhalle ddaahu.

Yoswa 9:3

Vano Ahivi a o Gibiyoni yiiwalle nnddo Yoswa eerilleeye ni muzinda wa Yeriko ni wa Ai,

Yoswa 11:14

Vano Aisraele yahaakha ddeko ddittheddene ddaphaama dda m'mizindani ddennddo monga eng'ombe eddisunga wi ddikhalle ddayiwa. Koma yaawiipha ni nsupada niwa nawiisha adaniiwa oohimuhiya naari muthu mmodda oovuma.