Yoswa 8:1 - Mawu a Mulluku

¹ Apwiya yaamulleella Yoswa wi, “Ohoove apaalle otathilla murima. Akuse akhoto attheene ethaanane ni weyaano, venya oye o Ai. Kineeroweerihani wi mumugonjihe mwene a o Ai ni athwaaye attheene. Muzindooyo ni ellapweeyo, ddittheddene ddinaakhalle ddaanyu.

Yoswa 8:1 ပူးပေါင်းရင်းမြစ်များ

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Deuteronomo 7:18

Muhiwoove alliwa koma muupuwelle nnddo Apwiya Mullukwaanyu yamweerenlliiwa Farao ni athwaaye.

Deuteronomo 1:21

Ellapweene tti yeella eyo Apwiya Mulluku enuuvaheewani. Khaweni mwaakhe moollikana ni mmo yuulamulelleewani. Muhoove apaalle otathilla murima.’

Yoswa 6:2

Apwiya yaamulleella Yoswa wi, “Ngoona, koomuvelleella m'mattani mwawo Yeriko, mwenaaye ni akhotwaaye amasiva.

Deuteronomo 31:8

Apwiya aneeniiwa eneerewuuhoollella nave eneerokhalla ni weyaano. Kheyuuhiya weekha apaalle wuutathilla, sika ohoove apaalle otathilla murima.”

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Yeremiya 46:27

Koma we Yakobo, oorumeyellaaka, ohoove, we Israele, ohitathille murima, vawi kineerewuuvullusa o ellapo ddawoorekama. Kineerovullusattho edduullu ddawo o ellapo ddapharelliweewawo okaporo. Yakobo aneerohokollowa ni okhalla mwaphaama ni mwamurendelle, khaavottho mmodda anaamoopopihe.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”

Yoswa 10:7

Vano Yoswa ni akhotwaaye attheene ni athwaaye amasiva attheene yaatimulla ovenyera o Giligala.

Yoswa 10:8

Nave Apwiya yaamulleella Yoswa wi, “Ohiwoove vawi kohaavelleella m'mattani mwawo khaavo naari mmodda oyo anaawore ollipana ni weyaano.”

Yeremiya 49:3

Nyu athu a o Heshiboni, inllani vawi muzinda wa Ai wohoonongeya. Nyu anamwani aatthiyana o Raba, warani eziguduli vawoonihani ethakaraka, inllani, muthawelle nngu ni nngu muwari variyari va mipanda. Mullukwaanyu Milikomu aneerophariwa okaporo ni allupa mukuthwaaye ni enduna ddaye.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Yoswa 2:24

Yaamulleella Yoswa wi, “Hi noosimikiza wi Apwiya aanivaha ellapo ettheene. Athu attheene wenko mirima ddiwa ddinnoova.”