Yoswa 7:7 - Mawu a Mulluku

⁷ Vano Yoswa aallota wi, “Nyu Apwiya Mulluku! Kaambiiwa tini munillapusalleenyu muhinje wa Yordani munivelleella m'mattani mwa Aamori wi enoononge? Mwahinihiya okhopella wa muhinje wa Yordani weewulle?

Yoswa 7:7 ပူးပေါင်းရင်းမြစ်များ

Aheberi 12:5

Ethiyo mootiwalla mawu oollipiha murima a Mulluku uuhuddihalleeyeni nyuwaano wonanko anaaye wi, “Mwanaka ohinavevullaka ollaka wa Apwiya apaalle otathilla murima yaawuuhumullullaka?

2 Mamwene 3:10

Vano mwene Yoramu aakhuwa wi, “Otulli! Apwiya aaniithana hiyaano mamwene mararu wi enivelleelle m'mattani mwa Amowabu.”

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Masalimo 116:11

Kooveemi, kaallota wi, “Athu tti oohiroromelleya.”

Numeri 14:3

Kaambiiwa tini Apwiya enanivollochihiiwa mu ellapo yeeyo wi niiphiwe okhotoni? Awarihu ni aniihu eneeropharelliwa wuukaporoni. Ethiyo khokhalla phaama wi nihokollweelle o Iguputo?”

Eksodo 17:3

Koma athwaalle yaakhalla ni nthona wunchichi nave yaakhupanyella wa Mose ellota wi, “Kaambiiwa tini mwanikhumihelleenyu o Iguputo wi muniiphe ni nthona, hiyaano ni aniihu vamodda ni eziweto ddahu?”

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Numeri 14:16

‘Apwiya yaawiiphella athwaalla mu echipululu ekaamba yawi kheyaawonre waavollochiha mu ellapo eyo yallupenlliiwa waavaha wi ekhalle yayiwa.’

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Yoswa 7:8

Killote tini vano nyu Apwiya vawi Aisraele aarukunuwa enaathawa ni adaniiwa ddiidda?

Oweeruza 20:23

Vano Aisraelaayo yaaya yinlla vamiitthoni va Apwiya ophiyera misikuwa. Yahaakoha Apwiya wi, “Ethiyo niyeewo wiilli wi nawane ni Abenjamini, abalaahu?” Apwiya yahaakhulla wi, “Ee khaweni mwawanena.”

1 Samuele 4:3

Yavulluwallaayo ephiyalle omisasani wulle oohoollella a Aisraele yaallota wi, “Kaambiiwa tini Apwiya yaakhullenlliiwa wi Afilisti enigonjihe? Hankoni nakuse nibokosi na echipangano na Apwiya o Shilo wi Apwiya ekhalle ni hiyaano ni onikavihera waagonjiha adanaahwaalle.”