Yoswa 6:4 - Mawu a Mulluku

⁴ Allupa mukutho atthanu ni eelli, arive muthu ari ni nipallapata na nnyaka na nankhoro a enkhosa, ehoollelleke nibokosi na echipangano. Va nllapo naneetthanu ni piilli, weyaano ni akhotwaawo, mwaapheelleke muzindooyo otthanu ni opiilli, allupa mukutho yiipaka mapallapataayo.

Yoswa 6:4 ပူးပေါင်းရင်းမြစ်များ

Yawuupullulla 16:1

Nave kahiiwa mawu oollotiwa mookhuwa evenyeraka mu enyumba ya Mulluku oya wa angelo atthanu ni eellaalle wi, “Khaweni mwahelle embale dditthanu ni piilli dda osha murima wa Mulluku va ellapo yavatthi!”

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

Yawuupullulla 8:2

Nave kaawoona angelo atthanu ni eelli ayo yiimenlle vamiitthoni va Mulluku nave yaavahiwa mapallapata matthanu ni meelli.

2 Epilli 20:21

Vano aakohilleeye ezeru athwaayo, ahaatthoolla amodda wi ewiipelleke ni waatitimiha Apwiya mu ottekweeniiwa nave yaaya vahoollo va mulloko wa akhoto ellota wi, “Athokozeni Apwiya, vawi echikondiiwa yoohisintheya tti ya o enthawi yoohimalla.”

1 Mamwene 18:43

Vano aamulleella oomurumeyellaaye wi, “Khawe wawehe o enyanja.” Oorumeyellooyo aaya aweha nave aallota wi, “Khewuri ello.” Eliya aamulleella otthanu ni opiilli.

Levitiko 14:16

Nave aruweye eyaallaaye ya m'mattani yoonnattanatta m'makhurani ayo eri munnattani naye nawuunyotthoni. Nave amidde makhuraayo ni eyaallaaye otthanu ni opiilli vamiitthoni va Apwiya.

Yawuupullulla 15:7

Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.

Yawuupullulla 15:1

Kahoona oddullu echizindikiro yuullupalli ni yoottikhiniha ya angelo atthanu ni eelli owaaka millilli mitthanu ni miilli. Millilli ddenndda ddaari ddawooniha omalla wa osha murima wa Mulluku.

Yawuupullulla 10:3

Nave aakhuwa ni mawu oowella ayo yiiweyille wonanko winlla wa mikango. Akhuwalle ddiiddo ogugudeya wa murimu waanyakulla otthanu ni opiilli.

Yawuupullulla 8:6

Nave angelo alle yaari ni mapallapata matthanu ni meelli yaakhozekella wi yoope.

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Yawuupullulla 5:1

Nave kahoona mu nnattanatta na oyo anakeraatthi vampandoni woomwene nibukhu noomariwa ni ddoomarella dditthanu ni piilli nilembiwe muwari ni otte wene.

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

2 Mamwene 5:10

Elisha aamurumihella amithenga oyo amulleelle wi, “Khawe wahape m'muhinjeni wa Yordani otthanu ni opiilli nave muneerochira ni weellihiwa.”

Numeri 23:1

Vano Balamu aamulleella Balaki wi, “Mukimakelle makuwa matthanu ni meelli vaava nave mukikhozelle anankhoro a eng'ombe dditthanu ni piilli owaaka anankhoro a enkhosa dditthanu ni piilli.”

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Zekariya 4:2

Aakikoha wi, “Onoona tini?” Nave kahaakhulla wi, “Kinoona yoohiyavo enyali, ettheene yagolide ni embale vaddullu viwa. Eri ni enyali dditthanu ni piilli, erive enyali yoophovolliwa otthanu ni opiilli moovollochihamo matthupu.

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

2 Epilli 20:19

Nave Alevi, edduullu dda Kohati ni Kora ddahiimella wi ddaatitimihe Apwiya Mulluku a Israele mookhuwa wunchichi.

2 Epilli 13:12

Vano ngoonani! Mulluku ari ni hiyaano nave allupa mukuthwaaye eri vaava ni mapallapatiiwa, aakhozeka wi ewiipe oniithana wi niwane ekhoto ni nyuwaano. Nyu Aisraele, muhillipane ni Apwiya Mulluku a makhollwaanyu vawi khamupambana.”

Levitiko 4:6

Vano atthaveye eyaallaaye munikhameni nave amidde nikhamenno otthanu ni wiilli vamiitthoni va Apwiya vahoollo va ekatani ya nipuro naweellesesa.

Genesis 2:3

Mulluku aadalisa nllapo naneetthanu ni piilli, aaneelliha ekaamba yawi tti nllapo nno iithuuwalleeye amallihalle muttekwaaye muttheene woophatusa.

Yoswa 6:3

Vano weyaano ni akhoto attheene mwaapheelleke muzinda omodda vanllaponi, mallapo matthanu ni nimodda.

Yoswa 6:5

Vano yaawiipaka nipallapata na nnyaka nankhosa moohimaalliha ni mwamasiva nave athu yiiwa wiipa wa nipallapata, ekhuwe moollipiha nave esiri ya muzindooyo eneerokumuwa. Vaavo akhotwaawo attheene evollowa m'muzindanimmo.”

Yoswa 6:13

Allupa mukutho atthanu ni eelli ootukhulla mapallapata amanyaka a nankhoro a enkhosaalle, yaahoolla yiipaka mapallapataayo. Akhoto amodda yaari vatulli, enathwara nibokosi na echipanganonno, mapallapata yiipiwaka.

2 Mamwene 5:14

Sika Naamani aakitthella o Yordani akhumbudda m'maaddinimmo otthanu ni opiilli monga namallotella alamulelleeye. Vaavo aachira nave mwiillaaye waakhalla wonanko wa mwaana, sika aachirihiwa.