Yoswa 5:9 - Mawu a Mulluku

⁹ Vano Apwiya yaamulleella Yoswa wi, “Ollello kohuuvenyiherani ovevulla wa Iguputo.” Sika ekaambiiwa nipuronno yaniromonlliiwa Giligala ophiyera ollello.

Yoswa 5:9 ပူးပေါင်းရင်းမြစ်များ

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

Yoswa 4:19

Aisraele yaallapuwa muhinje wa Yordani nllapo na khumi na mweeri wawaamba nave yaatthipella misasa ddiwa o Giligala, wookhuma nndduwa wa Yeriko.

Genesis 34:14

Alliwaayo yaallota wi, “Khanaakhullella wi murokorihu atthelliwe ni muthu oohiphaddiwa. Ello yeella tti yoowulliha muru wa hiyaano.

Levitiko 24:14

“Omukhumihe omisasaninko muthu ootembelelooyo. Attheene ayo yiiwalle atembelelaka etthinddaanyere mattiiwa vamuruni vaye, osimikiza wi tti oochimwa nave athu attheene emuvokhe malluku.

Ezekiele 23:8

Khaahiyalle makhallellwaaye ooraruwa ayo ahuddenreeye o Iguputo nko allopwana yararuwiiwana, enamuphara mapelle, enakonana ari namwalli,

Ezekiele 23:3

Yaanararuwa o Iguputo. Yaambeelle oraruwa eri anamwalli. Wenko athu yaanawaapapella vathirimani enaaphara mapelliiwa oohikokhora.

Yeremiya 9:25

Apwiya enallota wi, “Mallapo enimawa mvo kinaallakeemi attheene oophaddiwa ayo m'murimani mwiwa ehinapwathawo.

Masalimo 119:39

Mukivenyihelle epewe eyo kinayooveemi kaambiiwa malangizwaanyu tti aphaama.

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.

Yoswa 5:8

Ophaddiwanko omanlle athu yaakhalla m'misasanimmo otiyerella wi makhwata evolle.

1 Samuele 7:16

Orive muyakha Aakhalla ni olendo wowaapheella oya o Betele, Giligala ni o Mizipa. Anaweeruzamo Aisraele mutthemwenemmo.

2 Samuele 19:15

Vano mwenoolle aahokollweella o muhinje wa Yordani. Nave athu attheene a nlloko na Yuda yaaphiya o Giligala ekumana ni mwene, emullapusa muhinje wa Yordani.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Zefaniya 2:8

Apwiya enallota wi, “Kohiiwa ovevulla wa Amowabu ni oruwana wa Aamoni, mmo enaanyaambuselliiwa athwaaka, mmo eniitukhullelliiwa mwiillaponi mwiwa.

Nehemiya 12:29

Waaphiyattho awiipa machipo amodda ovenyera o Betegiligala, echigawo ya Geba ni Azimaveti vawi yaari emakille khalle mizi ddiwa moowaapheella Yerusalemu.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Amosi 5:5

Koma muhikaashaashe o Betele, apaalle o Giligala apaalle o Beeresheba vawi Giligala aneerophariwa okaporo, Betele aneerewoonongiwa.”