Yoswa 5:6 - Mawu a Mulluku

⁶ Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.

Yoswa 5:6 ပူးပေါင်းရင်းမြစ်များ

Deuteronomo 2:14

Nave enthawi eyo nallapuwalleehu muhinjooyo vaari viviralle khalle miyakha 38 ovenyera mvo navenyilleehu o Kadeshi Baranea. Akhoto attheene yaari ekhwille moollikana ni mmo Apwiya yallupellelliiwa.

Aheberi 3:11

Kaananariwa nave kaallupella wi, ‘Khewa evollowa mu nipuro naka nawiithuuwellamo!’ ”

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Deuteronomo 1:3

Va nllapo nawaamba na mweeri wa khumi ni mmodda muyakha wa 40 waambeella mvo Aisraele yakhumalliiwa mu ellapo ya Iguputo, Mose ahaalleella ddittheddene nnddo Apwiya yamulamulalliiwa.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Ezekiele 20:15

Woonjerera vaavo kaallupella wa alliwa muchipululuni wi ngaavollochiha mu ellapo eyo kaavahilleemi khalle, ellapo ya mukaka ni enwi, yooreera okhwaranya ellapo ddittheddene.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Deuteronomo 8:4

Ddoowara ddanyu khaddaahuwalle nave manyallwaanyu kheyiipalle naari vang'ono muchipululuni mulle va miyakha 40 ddittheddenenndda.

Ezekiele 20:6

Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Numeri 26:63

Yaalla tti athu ayo yeerengiwe ni Mose ni Eleazara. Yaaweerenga Aisraelaayo mu matapo a o Mowabu, vakhuviru ni muhinje wa Yordani, o Yeriko.

Yoswa 5:5

Athu attheene yakhumalle o Iguputo yaari ephaddiwe khalle. Koma attheene yayarelliwe muchipululuni va enthawi yookhuma o Iguputo kheyaaphaddiwe.

Yoswa 5:7

Koma aniiwa ayo yavollowille munipuroni mwiwa kheyaaphaddiwe yaariiwa muchipululunimmo nave tti ayo Yoswa aalamulalleeye wi ephaddiwe.

Masalimo 107:4

Amodda yaahollowa muchipululuni, woohiyiphwanya ettilla yooya o muzinda wi yakhallemo.

Yoswa 1:6

Khalla amasiva ni oollipa murima kaambiiwa oneerewaahoollella athu attheenaalla yaawaakhellaka ellapo eyo kallupellelleemi makhollwiiwa.

Yoswa 24:7

Vano yinllelle wa miyaano, kaahiya murapo wooripa variyari va nyuwaano ni Aiguputo nave enyanja yahaamirya. Mwahoona ni miitthwaanyu nnddo kaweerelleemi Aiguputo nave mwaakhalla enthawi yoorekama muchipululuni.