Yoswa 5:1 - Mawu a Mulluku

¹ Mamwene mattheene Aamori ookhalla woovollowa nndduwa wa muhinje wa Yordani ni mamwene Aakanani ookhalla museresere mwa enyanja yiiwalliiwa wi Apwiya yahummiha muhinje wa Yordani Aisraele yallapuwiiwa yahoova nave yaatathilla murima ekaamba ya Aisraelaayo.

Yoswa 5:1 ပူးပေါင်းရင်းမြစ်များ

Numeri 13:29

Aamaleke enakhalla mu echigawo ya omwera. Ahiti, Ayebusi ni Aamori enakhalla mu echigawo yamiyaango. Akanani enakhalla museresere mwa enyanja ni museresere mwa muhinje wa Yordani.”

1 Mamwene 10:5

ddoocha ddaye, mmo enduna ddaye ddakhallelliiwa, miimellello ni mawarello a oorumeyellaaye, oorumeyellaaye oovelleella ddoowirya ni mikutho ddaye ddooshellelliha avelleelleeye mu enyumba ya Apwiya, khaarittho ni yoollota.

Yawuupullulla 18:10

Eneerewiimella voorekama ekaamba yawoova wi enaakawanena ddoohoosiwa ddaye. Eneerollota wi, “Otulli! Otulli Babiloni! Muzinda woovuwa ni wamasiva! Va enthawi yooyeva woollakiwa ddiidda!”

Amosi 2:9

Komathi tti mi kawoonongille Aamori, Aisraele yoonaka yaphiyiiwa valle naari alliwaayo yaari oorekama wonanko mukunguza, naari yaari amasiva wonanko miteekho dda muthundu. Kahoononga ezipaso ddiwa m'miteekhoni ni misisi ddiwa vatthi.

Daniele 5:6

Vano ekhove ya mwene yaatthattuwa nave ahaapheella muru. M'makumanello mwa makhuva a eyuunwaaye mwaakurukunyuwa nave makutthaaye yaheengereya.

Ezekiele 21:7

Yuukoha eyo oniipullelleewe, waalleelle wi, ‘Kiniipullella ekaamba ya miyaha kiiwalleeminndda.’ Ddeereya ddennddo mirima ddiwa ddineerekotthukumella nave mattiiwa mattheene eneerofooka, eneerotathilla murima, m'makutthani mwiwa muneerekotthukumella. Ddinimawa nave ddineereweereya. Mi Apwiya Mulluku koollota.”

Ezekiele 16:3

Omulleelle Yerusalemu wi mi Apwiya Mulluku kinallota wi, ‘Kanani tti ellapo yamakhollwaawo nave wayarelliwe wenko. Attiittho yaari Muamori nave amaayo yaari Muhiti.

Masalimo 135:11

Sihoni mwene Aamori, Ogi mwene a o Bashani ni mamwene mattheene a o Kanani.

Ezara 9:1

Vano ddittheddenenndda ddeereyille, oohoollella amodda yaawa wa miyaano ellota wi, “Aisraele, allupa mukutho ni Alevi kheyiipatulalle wa athu a mwiillaponimmo ni ddoolakwa ddiwa ovenyera wa Akanani, Ahiti, Aperezi, Ayebusi, Aamoni, Amowabu, Aiguputo ni Aamori.

2 Samuele 21:2

Sika mwenooyo aawiithana Agibiyonaayo. Agibiyonaayo kheyaari Aisraele koma Aamori oohalla. Naari Aisraele yallupenlle wi khewiipha Agibiyonaayo koma Saulo aapaallave waatthollosa Agibiyonaayo ekaamba yawaakonda Aisraele ni Ayudaayo.

1 Samuele 25:37

Ohinase olezela wulle omuukunuwalle mwaariyoolle aamulleella ddittheddene. Enthawi yeeyo Nabala aakomowa, mwiillaaye wumma tondoro wonanko nlluku.

Oweeruza 11:23

Sika tti Apwiya Mulluku a Aisraele oyo awikarihallemo Aamori wi Aisraele ekhallekemo. Vano nyuwaano munapaalla munaakhettho yoohallanaahu?

Oweeruza 4:2

Vano Apwiya yahaavelleella m'mattani mwa Yabini, mwene a o Kanani oyo alamulella etawoni ya Hazori wi aagonjihe. Oohoollella a akhotwaaye ari Sisera oyo akhalla o Harosheti Goyimu.

Oweeruza 3:3

Millokonnddo tti mamwene matthanu a Afilisti, Akanani attheene, Asidoni attheene ni Ahivi ookhalla m'miyaangoni dda Lebanoni, waambeella omwaangoni wa Baala Heremoni ophiya o mpata wa Hamati.

Oweeruza 1:1

Yoswa akhwille, Aisraele yahaakoha Apwiya wi, “Tti nlloko nene niivi ninaawaambe owana ni Akanani?”

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Yoswa 17:18

Muneerewaakhella ellapo yamiyaango naari eri ni otthako, nyuwaano muuhe miteekho nave muneerewaakhella ellapweeyo wi ekhalle yaanyu. Akananaayo muneerowiikariha naari eri ni magareta amikoko navettho naari alliwaayo eri amasiva.”

Yoswa 17:12

Koma athu a nlloko na Manase kheyaawonre owiikariha Akanani ookhalla m'mizindaninnddo. Sika Akanani yaavirellella okhalla mwiillaponimmo.

Eksodo 23:28

Kineerowiikara Ahivi, Akanani ni Ahiti muhinaphiye nave eneerothawa wonanko kaarumihelle enwi.

Genesis 48:22

Navettho weyaano, ohiri asinno, kinuuvaha Shekemu, echigawo elle kaakhilleemi ni nsupada naka ni muuraaka ovenyera wa Aamori.”

Genesis 12:6

Abramu aheetella ellapo ettheeneeyo ophiyera o Shekemu, o muteekho wa muthundu wa o More. Va enthawi yeeyo tti vawi Akanani eri mwiillaponimmo.

Yesaya 41:5

Athu a ellapo dda mukhwipi mwa enyanja yohoona nnddo keerilleemi nave ahoopopiheya. Athu a omamallihello wa ellapo yavatthi ennatthukumella, ennasusella vakhuviru, ennawa.

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.

Yoswa 3:17

Enthawi ettheeneeyo allupa mukutho ootukhulla nibokosi na echipangano na Apwiyanne yaari yiimenlle vawumma variyaririyari va muhinje wa Yordanoolle ophiyera athu attheene ellapuwalle.